3मिनु आ आम आफोमी “मार, आंइ मुर नु इं थर ङा मीश आल मबाक्बा? मिनु गे ख्रोइक्तीक चिनु मख्रोइश्शो, मेको पलिस्ती आ तमी का चाक्चा दाक्नेवे?” देंसा बाक्त। तन्न सिम्सोनमी “मेको मीश आल आं कली चाक्कीन। मारदे हना गो मेको कली दाक्नुङ” देंमाक्त। उत्पत्ती ३४:१४; प्रस्थान ३४:१६
4परमप्रभु यावेम सिम्सोन कली मेको मीश आल कली दाक्पाइश्शो बाक्त, दे आ आम आफोमी मतुइश्शो बाक्ताक्स। परमप्रभुमी पलिस्ती आन कली खतम पचा कली मोदेंशो पशो बाक्माक्त। मेना पलिस्तीपुकीमी इस्राएली आन कली सासन पशो बाक्मा बाक्त।
5मिनु नोले सिम्सोन आ आम आफ नु तिम्नाहमी ब्रुम्माक्त। मिनु मेकेर ङा अङगुर रूमी जाक्दीम्माक्त। मिनु मेकेर ठिटा गुप्स का ग्रूशा, मेको कली ग्राम्दा बाक्त।