Ezekiel 36

2

17

33

34

36

37

¹⁶Bada i riweu, i pa,

¹⁷“Rava ota natuna, maranai Israel ai au dobu i mamae, taui ai kaua apoapoenei ai dobu i vimirai. Tau au matau lamna i vimira-melei me wavine ana nawaravi e vaivaia.

¹⁸Marina, au meji ana iwaḡa-tawanei awarii aubaina taui tara i vitoini au dobu, ma nanare kokoitauei dobu i viapoapoeni.

¹⁹A vidabararai ma a vilamolamonei au dobuḡela, ai ḡoʼapoapoei ma ai kaua awariei a kovoḡi.

²⁰Wate metauna au dobuna i rui taui wavau vivivireina i vijiboḡi, aubaina nai dobuna ravai e ririwa, ‘Wei lamna Bada ana rava wate ana dobu i opu-tawanei.’

²¹A ḡoei da au rava au wava vivivireina ita vimaeḡaeḡaeni, wate noi rava mai Israel dobu anatapui i naeni ma i vitepaubaubaiu.

²²—Lamna aubaina, marina dam Israel ma pariverei, Bada God wei i riwei, ‘Tau a neineiana-meleiaimi, eḡa tam am kaua aiaina aubaina. Tau a kaukauei wavau vivivireina aubaina, taumi wavau o viapoapoena-naiei jentail ai au dobu.

²³Ana viatataiemi da wavau, ḡetelarana ma vivivireina. Wavau taumi dobu au anatapuna o vitepaubaubai. Taumiei dobu ana viatataiei da tau vivivireu

²⁴aubaina dobudobuai ana taravainimi ma ana neiana-meleiaimi ami au dobu.’

²⁵—Wairei ana vitoaimi da ona aii, ami mira ma kokoitau viborumai mirana ina oḡa-tawanei.

²⁶Ma nuanuami vouna, ma aruami vouna ana veremi. Nuanuami badobadoi ana votawanei ma aiaina ana terei.

²⁷Ma Aruau au oram ana terei da au tarawatu ma au viararamana ona votaḡotaḡoi.”