1Dii yã ò Musanɛ à bè:
2Ǹ ma! Ma Uri nɛ́ Bezalɛli, Uru dio, Yuda borii sɛ̀.
3Má tò ma Ninii kúa, ben à ↄ̃ndↄ̃ kↄ̃n gonio kↄ̃n dↄ̃nao è ↄzĩ píngi guu.
4À zã ble pↄ́nↄa dↄ̃ kↄ̃n vurao kↄ̃n kondogio kↄ̃n mↄ̀gotɛ̃o.
5À gbɛ̀ bɛ̀ɛde ana dↄ̃ kↄ̃n à dana pↄ́ guuo kↄ̃n lí'anao kↄ̃n ↄzĩ sãnda píngio.
6Beee gbɛra ma Aisamaki nɛ́ Ɔↄliabu, Dani borii dìɛ à dↄnlɛri ũ. Ma ↄzĩkɛrinↄ gbà ↄ̃ndↄ̃ↄ ń píngi, lɛ aↄ̃ e wà pↄ́ kɛ̀ má dìɛnnɛɛnↄ kɛ píngi:
7Dakↄ̃rɛki kuta kↄ̃n doka àkpatio kↄ̃n à nɛ́kpaɛo kↄ̃n kpɛ́ pì pↄ́ ketenↄ píngi,
8teebu kↄ̃n a pↄ́ ketenↄ, vura atɛ̃ɛ dabu kↄ̃n a pↄ́ ketenↄ píngi, tuaetitikpatakii,
9sa'opↄ kɛ̀ wè ká tɛ́n à tɛ́ kũ oki kↄ̃n a pↄ́ ketenↄ píngi, dàga kↄ̃n a dibↄo,
10pↄ́kãsãa kɛ̀ wà tã̀nↄ, sa'ori Aruna pↄ́kãsãa kɛ̀ eé sↄ̃omaziinↄ kↄ̃n à nɛ́nↄ sa'opↄkãsãanↄ píngi,
11pↄ́ kyakɛnↄsi kↄ̃n bisakuta tuaetiti gũ nnaao. Aↄ̃ pↄ́ pìnↄ kɛ, lán má dìɛnnɛ nà píngi.
12Dii yã ò Musanɛ à bè:
13Ǹ o Isarailinↄnɛ aↄ̃ kámmabogurↄↄ kɛ̀ má dìɛ yã da, zaakɛ à dɛ sèeda ũ mapi kↄ̃n apinↄ dagura ai a boriia, lɛ à e à dↄ̃ mamↄma Dii ma a sɛ ma gbɛ̃nↄ ũ.
14Àgae kámmabogurↄↄ pì yã da, zaakɛ gurↄↄ pì kuuare adonamɛ. Gbɛ̃ kɛ̀ gurↄↄ pì tɛ̃̀ kɛ̀, adee gàmɛ. Gbɛ̃ kɛ̀ zĩi kɛ̀ gurↄↄ pìa, wà adee bↄ a gbɛ̃nↄ tɛ́ wà dɛ.
15Àgae zĩi kɛ gurↄ swɛɛdo, à gurↄ swɛɛplaadeen é kámma bo, zaakɛ mamↄma Dii ma pↄ́mɛ. Gbɛ̃ kɛ̀ zĩi kɛ̀ kámmabogurↄↄa gàmɛ.
16Isarailinↄ gaegↄ̃ kámmabogurↄↄ pì yã kũna aↄ̃ diɛ gurↄ ìsi ũ ai ń boriia ma bà kuunańyo yã ũ.
17Eégↄ̃ dɛ sèeda ũ mapi kↄ̃n Isarailinↄ dagura gurↄ píngi, zaakɛ mamↄma Dii ma musu kↄ̃n andunao kɛ̀ gurↄ swɛɛdomɛ, ben má yã̀a ma kámma bò à gurↄ swɛɛplaadee zĩ.
18Kɛ̀ Dii yã ò Musanɛ Sinai kpiii musu à yã̀a, ben à dokayã kɛ̃̀ gbɛ̀ walaanↄa mɛ̀n plaa kↄ̃n a zĩnda ↄnɛo à kpàa.
