Dↄaanaↄ 5:7-14

⁷Kíaↄ lɛ́ midɛ Isaili bùsuu, ↄ̃ ma Debolaa ma gↄ̃ Isailiↄ da ũ.

⁸Kɛ́ aa zɛ̀ ń dii dafuↄ, ↄ̃ zĩ kↄ̃ kũ̀ wɛ̃́lɛ bĩ́ibↄlɛu. Baa gbɛ̃ↄn ↄ̀aasↄsↄo lɛɛ bla (40.000) guu gbɛ̃e sɛ̀ngbao ge sↄ̃na vĩo.

⁹Ma pↄ dↄ Isailiↄ dↄaanaↄwa ń gbɛ̃́ pↄ́ tɛ́ńzi teasisaiↄ. À Dii sáaukpa!

¹⁰Á gbɛ̃́ pↄ́ á di zàa'ĩn pua kpɛↄ á gbɛ̃́ pↄ́ á zↄ̃lɛ tɛfɛniwapiↄ ń á gbɛ̃́ pↄ́ á bɛ kɛ̀sɛↄ, à a yã'o.

¹¹Gbɛ̃́ pↄ́ kãaaa ítↄkĩiↄ zↄa dↄ, aa Dii maakɛaↄ dàu lɛ́ siunɛ́, Isailiↄ kíaↄ zĩblè, ↄ̃ Dii gbɛ̃́ↄ sù ń wɛ̃́lɛↄ guu.

¹²Fɛlɛ Debolaa! Fɛlɛ! Fɛlɛ lɛsi! Fɛlɛ! Abinↄaũ nɛ́ Balaku, fɛlɛ dↄaa n zĩ̀zↄↄnɛ.

¹³Ɔ̃ gbɛ̃́ pↄ́ gↄ̃̀ↄ bↄ̀ mↄ̀ kíaↄ kĩ́i, Dii gbɛ̃́ↄ mↄ̀ ma kĩ́i ń nɛgↄ̃naↄ.

¹⁴Ɛflaiũ bui pↄ́ aa Amalɛki buiↄ fùↄ ń Bɛ̃yãmɛɛ buieↄ tɛnzi. Makii buieↄ dɛ dↄaanaↄ ũ, Zabulↄni buieↄ gopana kũa.