كِيتِسَيٍ 5:7-14

⁷عِسِرَيِلَكَيٍ مُ نُ نْمَ لُدٍ دَاشَيٍ سْنْن، عٍ بِرِن نَشَ كٍلِ نَا، هَن ﭑ تَن دٍبٌرَ مِنِشِ تّمُي نَشّ. ﭑ بَرَ قِندِ عِسِرَيِلَ نفَ رَ.

⁸عٍ نُ بَرَ عَلَ نّينّيٍ بَتُ قْلْ. فٍرٍ نُ بَرَ قَ هَن تَا نَادّيٍ رَ، سْورِ مَكَنتَسٍ نُن تَنبّ يٌ مُ نُ نَ عِسِرَيِلَكَ مِشِ وُلُ تٌنفٌ نَانِ يِ رَ.»

⁹«عَلَتَلَ تَنتُ! ﭑ بْحّ نَ عِسِرَيِلَ مَنفّيٍ نُن حَمَ قْشْ رَ، نَشٍيٍ عٍ يّتّ حَنِفٍشِ.

¹⁰وٌ تَن نَشٍيٍ تٍمَ سٌقَلٍ فِنّ قِيشّيٍ قَرِ، وٌ تَن نَشٍيٍ دْشْمَ دُفِ قَنيِ قَرِ، وٌ تَن نَشٍيٍ حّرّ مَ كِرَ رَ، وٌ وٌ مَحْشُن.

¹¹نَشٍيٍ يٍ بَمَ كْلْنيِ رَ، عٍ عَلَتَلَ تَنتُمَ عَ شَ قٍ قَنيِيٍ مَ. عَلَتَلَ قٍ قَنيِ رَبَ نّ عِسِرَيِلَ بّ، عَ شَ حَمَ تِشِ تَا سٌدٍ دّ رَ تّمُي نَشّ.»

¹²«دٍبٌرَ، شُنُ! شُنُ، عِ شَ بّيتِ بَ. عَبِنٌوَ مِ شَ دِ بَرَكِ، كٍلِ! عِ شَ يَشُييٍ شَنِن.

¹³عَلَتَلَ نَشَ شُننَكٍلِ قِ عَ شَ حَمَ قَنيِ مَ، عَ نَشَ ﭑ شُن نَكٍلِ سّنبّمَيٍ تَفِ.

¹⁴عٍقِرَ مِكَيٍ نَشَ قَ، نَشٍيٍ كٍلِشِ عَمَلّكِكَيٍ شَ بْشِ مَ، بُنيَمِنكَيٍ نَشَ بِرَ عٍ قْشْ رَ. مَكِرِ مَنفّيٍ قَن نَشَ فٌرٌ، عَ نُن سَبُلٌن يَرٍرَتِيٍ.