APOSETOLO EDIA KARA 10:3-7

³Adorahi ta, hora gauna 3 okaloka bamona ia mata hanai, Dirava ena aneru ia itaia, ia dekenai ia mai, bona ia gwau, “Korenelio e!”

⁴Korenelio ese aneru ia itaia mai gari bada danu, ia gwau, “Lohiabada e, dahaka?” Aneru ia itaia noho, ia gwau, “Oiemu guriguri bona oiemu harihari gaudia be Dirava dekenai idia daekau vadaeni, bona Dirava ese danu oi ia laloa noho.

⁵Harihari tatau haida Iopa dekenai oi siaia lao, idia ese Simona, ena ladana ta be Petero, do idia boiria mai.

⁶Ia be Simona, boromakau kopina ia gaukara tauna danu idia noho, ena ruma be kone dekenai.”

⁷Ia dekenai ia hereva aneru ese ia rakatania neganai, Korenelio ese iena hesiai mero rua ia boiboi idia mai, bona tuari tauna ta danu, Dirava badinaia bona nega ibounai Korenelio ena hesiai gaukara ia karaia tauna ta.