AONEGA HEREVADIA 12:7-13

⁷Kara dika taudia idia moru noho, bona idia boio momokani, to kara maoromaoro taudia edia ruma bese taudia, be do idia mauri noho momokani.

⁸Bema oi be mai aonega danu neganai, taunimanima ese oi do idia hanamoa, to bema oi be kavakava neganai, taunimanima ese oi do idia negea.

⁹Dagi maragi dekenai oi noho, to mai oiemu aniani be namo, to oi sibona lohia tauna oi gwauraia, to oi be hitolo noho, be dika.

¹⁰Kara maoromaoro tauna ese, iena boromakau ia bogahisihisi henia noho, to kara dika taudia edia kudouna, be mai dagedage danu.

¹¹Iena tano ia gaukaralaia namonamo tauna, ese aniani momo do ia davaria, to anina lasi karadia dekenai, iena nega ia haorea tauna be kavakava.

¹²Kara dika taudia edia ura tamona, be dika do idia karaia noho, to kara maoromaoro taudia ese namo idia havaraia noho.

¹³Kara dika tauna be sibona ena hereva ese, do idia hadikaia, tarapu ese do ia hadikaia bamona, to kara maoromaoro tauna ese, kerere dekena amo ia roho mauri noho.