AMOS 5:7-15

⁷umui, hahemaoro ḡoevaḡoeva na muramura iditana ai vada o halaoa bona kara maoromaoro tanobada ai vada o tilhoa dobi taumui!

⁸Ia ese Kima bona Kesili e karadia, hanuaboi diburana na daba ai e halaoamu, bona dina na e hadiburaiamu, hanuaboi ai e halaoamu; ia ese davara ranudia e boiridiamu, bena tanobada kopina ai e bubudia dobimu; ia ladana na Iehova.

⁹Ia ese goada taudia e aladia oremu, bona kohoro aukadia e habuadia tarimu.

¹⁰Hahemaoro gabuna ai sisiba herevadia e gwauraimu tauna na idia ese e inai heniamu, bona hereva momokanidia e gwauraimu tauna na idia ese e inai henia badamu.

¹¹Taunabunai, badina be ogoḡami tauna vada o moia tao bona ena uit momo vada o dadia dainai, nadi rumadia vada o haginidia, to lalodiai basio noho, bona vine imeadia namodia vada o hado, to edia vine ranudia basio inu.

¹²Badina be lau dibagu emui kerere na momo, bona emui kara dika na bada herea. Umui ese kara maoromaoro taudia o hahisidiamu, bona koikoi henitaona o abiamu, bona e dabumu tauna hanua ikoukouna ai na hahemaoro gabuna amo o lulua ohomu.

¹³Taunabunai, nega inihetomana ai lalo-ihunu tauna na asi reḡereḡena baine noho, badina be nega dikana.

¹⁴Namo ba tahua, dika basio tahua, ba mauri helaoreana; bena Dirava, Iehova Sabaota, ese baine bamomu, ema hereva heḡereḡerena.

¹⁵Dika ba inai henia, namo ba ura henia, hahemaoro ḡoevaḡoeva na hanua ikoukouna ai ba haginia; bena reana Dirava, Iehova Sabaota, ese Iosef iduhuna taudia kwabukwabudia baine bogadia hisi.