1 KINANƆ 22:9-17

⁹Akũ Isarailanↄ kína a ìbanↄ doke sìsi à pìnɛ: Ǹ gɛ́ ǹ Imlã nɛ́ Mikaya sísi à su likalika.

¹⁰Isarailanↄ kína kũ Yudanↄ kína Yosafatao baadi a kíble'uta dana, ò vutɛna ń kíblegbaaa pↄ́wɛgbɛ̃ki kũ à kú Samaria bĩnilɛa, akũ annabii pìnↄn tɛn annabikɛyã o ń arɛ ń pínki.

¹¹Kenana nɛ́ Zedekia mↄ̀si pì lán bɛ̃nɛ bà à pì: Dikiri pì bɛ̃nɛ dínↄn ĩni Sirianↄ zↄ̃zↄ̃o ǹ ń dɛdɛ ń pínki.

¹²Akũ annabii pìnↄn tɛn yã dokↄ̃nↄ o ń pínki òtɛn pi: Ǹ gɛ́ lɛ́tɛ Ramↄ Giliadaa, ĩni fuaro. Dikiri ni ń nánnɛ n ↄĩ.

¹³Gbɛ̃ kũ à gɛ̀ɛ Mikaya sísi pìnɛ: N annabi dakenↄ lɛ́ kɛ̀ dokↄ̃nↄn yee! Yã nnan òtɛn o kínanɛ. Ǹ yã dokↄ̃nↄ pì o se ǹ yã nna onɛ.

¹⁴Akũ Mikaya pì: Ma sì kũ Dikiri kunnaao, yã kũ Dikiri òmɛnɛn mani o kínanɛ.

¹⁵Kũ à kà, akũ kína a là à pì: Mikaya, ò gɛ́ zĩ̀ ká kũ Ramↄ Giliadadenↄon yá, ke òsun gɛ́ro? Akũ à wèa à pì: Ǹ gɛ́ lɛ́tɛḿma! Ĩni fuaro. Dikiri ni ń nánnɛ n ↄĩ.

¹⁶Akũ kína pìnɛ: Gɛ̃̀n ũgban mani n da ǹ sí kũ Dikirio kũ yãpuran ĩni omɛnɛɛ?

¹⁷Akũ Mikaya pì: Ma Isarailanↄ è fãkↄ̃ana sĩ̀sĩnↄ kpadoa lán sã kũ ò dã̀ri vĩronↄ bà. Akũ Dikiri pìmɛnɛ, gbɛ̃ pìnↄn don'arɛde vĩro. Ń baadi tá a bɛa aafia.