1 Hadì 8:8-13

⁸Heini he menge tival utew memelayat, ne egkaahà is menge purù dan diyà te Segradu he Lugar, diyà te etuvangan duen te kineselezan dutun te valey te Nengazen, piru kenà heini egkaahà diyà te gawas duen te Segradu he Lugar. Ne zutun pa heini taman en guntaan.

⁹Wazà duma he taǥù duen te Kavan gawas duen te zezuwa he melumpipì he menge vatu he intaǥù dutun ni Moises hein diyà sikandin te Horeb, ne zutun himuwa te Nengazen is kebpekid-uyun din te menge Israilihanen hein migawas dan diyà te Ehipto.

¹⁰Ne hein migawas sikan is menge memumuhat duen te Segradu he Lugar, ne zuen gapun he nekepenù duen te valey te Nengazen.

¹¹Ne kenè en ebpekehimu sikan is menge memumuhat te vuluhaten dan dutun te valey te Nengazen tenged dutun te ǥapun, su is mekeǥeǥehem ke kebpekiduma te Nengazen kandan nekeeneb dutun te valey zin.

¹²Ne mid-ampù si Solomon te, “Nengazen, migkaǥi ka he ed-ubpè ka ziyà te kivel.

¹³Ne ǥuntaan nekepevaal ad te utew mekempet he valey para kenikew, he egkeubpaan nu te wazà pidtemanan.”