8ויארכו הבדים ויראו ראשי הבדים מן הקדש על פני הדביר ולא יראו החוצה ויהיו שם עד היום הזה׃
9אין בארון רק שני לחות האבנים אשר הנח שם משה בחרב אשר כרת יהוה עם בני ישראל בצאתם מארץ מצרים׃
10ויהי בצאת הכהנים מן הקדש והענן מלא את בית יהוה׃
11ולא יכלו הכהנים לעמד לשרת מפני הענן כי מלא כבוד יהוה את בית יהוה׃
12אז אמר שלמה יהוה אמר לשכן בערפל׃
13בנה בניתי בית זבל לך מכון לשבתך עולמים׃
1 מְלָכִים 8
1 מְלָכִים 8:8-13