Ŋicwofuŋ I 8:8-13

⁸Reŋ jahec‐ticne ʒoricnere tofa‐jekic i ficmaŋne ʒâŋene furu dindiŋ irecnec fotâcnerâ ficmaŋne mamai ira ŋiczi hohonere sâc epic. Fic sahacnao hohonene i mi epic.

⁹Eme katapa irec maŋnao qorac tapa jajahec sawa fopic, wiac gâcne aricne. Jahe Mosezi Horebe tikio ira katapao râec‐jofawec. Israe ŋic jaŋe Aigita mâreŋ beherâ wahahapie Wofuŋzi jaŋehec ʒâʒâfic ewec irec qorac tapa hâcne. Eme jahe ira fopiczi fokopirec jaha.

¹⁰Eme taha bapa jaŋe furufickonec wahahapie karoraczi Wofuŋte ufuŋ fusucmawec.

¹¹Irec taha bapa jaŋe karoracte gie‐jeŋic baniŋte quŋkembiŋ. Wofuŋte huriri qâreŋzi ufuŋ fusucmawec hâcne.

¹²Eme Salomozi ʒiŋuc muwec: “O Wofuŋ, go sambâŋko ʒoaŋ râemeŋ ŋekac, erâ gahac duŋdapâcko ŋeŋe juju ezore mukic.

¹³Irec go ʒira ŋeŋe juju ecmurâ ficsâko moc ʒâŋe biŋehec bagarepo, go irec maŋnao ŋeŋe juju erahuc juzemec sanaŋ.”