1 Kings 8:8-13

⁸Nia ngudu o nia laagau le e gidee hua tangada dela ma gaa duu i mua di Gowaa Dabuaahia Huoloo, gei nia gowaa ala i golo e de gidee. (Nia laagau la i golo hua dangi nei.)

⁹Deai di mee i lodo Tebedebe o di Hagababa ai, ala hua go nia baahi hadu e lua a Moses ala ne dugu gi golo i di Gonduu Sinai, i di madagoaa Dimaadua ne hai dana hagababa gi digau Israel i di nadau lloomoi i Egypt.

¹⁰Di madagoaa o nia gau hai mee dabu ne hagatanga gi daha mo di Hale Daumaha Dimaadua, di baahi gololangi gu haga honu di Hale Daumaha,

¹¹e maahina ge e dingidingia i di madamada o Dimaadua, gei ogo digaula gu deemee di ulu gi lodo, e hai nadau hegau.

¹²Gei Solomon ga dalodalo, “Meenei Dimaadua, ma Kooe dela ne dugu dau laa i di ahiaalangi, gei Goe e hiihai e noho i lodo di bouli o nia gololangi.

¹³Dolomeenei, gei au guu hau doo hale madamada, di gowaa dela e noho iei Goe gaa hana hua beelaa.”