1مَلٍكّ سُولِ ندٍ تٌ سَرَ قٍ، ﭑ نَشَ تُنبُي تٌ بِرَ رَ بْشِ كٍلِقٍ كٌورٍ مَ. عٍ نَشَ يِلِ تِلِنشِ نَادّ سَابِ سٌ عَ يِ رَ.
2عَ نَشَ نَ يِلِ نَادّ رَبِ، تُورِ فبٍفبٍ نَشَ مِنِ عَ كُي عَلْ تّ بٍلٍبٍلٍ تُورِ هَن سٌفٍ نَشَ مَكٌتٌ، كُيٍ نَشَ عِدِ مِ.
3تُفُمِيٍ نَشَ مِنِ تُورِ كُي، عٍ قَ فٌرٌ بْشِ مَ. عٍ نُ بَرَ سّنبّ سْتْ عَلْ تَلِ.
4عٍ نُ بَرَ يَامَرِ سْتْ عَ قَلَقٍ رَ عٍ نَشَ دِن بْشِ حٌوفٍ رَ، نُن سٍ شِندٍ، عَ نُن وُرِ بِلِ يٌ رَ. عَ نُ لَنمَ عٍ شَ عَدَ مَدِيٍ فبَنسَن نَن تْورْ عَلَ شَ تْنشُمَ مُ سَشِ نَشٍيٍ تِفِ مَ.
5عٍ نُ بَرَ يَامَرِ سْتْ عَ قَلَقٍ رَ عٍ نَشَ عَدَ مَدِيٍ قَشَ، عٍ شَ عٍ تْورْ تُن كِكٍ سُولِ بُن مَ. عٍ نُ مِشِ بُنمَ نّ عَلْ تَلِ.
6نَ لْشْييٍ، مِشِيٍ قَشّ شْلِ مَوَ مَ نّ نَ تْورّ شَ قٍ رَ، كْنْ عٍ مُ نْمَ قَشَدٍ. قَشّ شْلِ عٍ سُشُمَ نّ، كْنْ قَشّ عَ مَكُيَمَ نّ عٍ رَ.
7نَ تُفُمِيٍ مَنِيَشِ سٌي نَن نَ، نَشٍيٍ رَوَلِمَ فٍرٍ كُي. مَنفّ كَتَنيِ شّيمَ دَاشِ نُ دُ سُشِ عٍ شُن نَ، عٍ يَتَفِيٍ نُ لُشِ نّ عَلْ مِشِيٍ.
8عٍ شُنسّشّ نُ لُشِ نّ عَلْ فِنّيٍ شُنسّشّ. عٍ حِنيِيٍ نُ لُشِ نّ عَلْ يّتّ حِنيِيٍ.
9وُرٍ مَكَنتَسٍ نُ نَ عٍ كَنكٍ مَ، عٍ فَبُتٍنيِيٍ نُ شُي رَ مِنِمَ عَلْ سْورِ رَفِسٍ شُي، سٌي فبٍفبٍ نَشَن بّندُنمَ.
10عٍ شُلِ نُ مِشِ بُنمَ عَلْ تَلِ، نَ شْنّ نُ قَ مِشِ تْورْ كِكٍ سُولِ بُن مَ.
11عٍ شَ يَرٍرَتِ نُ قِندِشِ نَ يِلِ تِلِنشِ شَ مَلٍكّ نَن نَ، نَشَن شِلِ نُ قَلَشِ عٍبُرُ شُي «عَبَدٌن،» عَ نُ قَلَشِ فِرّكِ شُي «عَثٌلِيٌن،» نَ نَن نَ كِ «يِرٍ كَنّ.»
12حَشَنكَتّ سِنفٍ بَرَ دَنفِ، قِرِن نَن لُشِ.
13مَلٍكّ سٍننِ ندٍ تٌ سَرَ قٍ، ﭑ نَشَ شُي ندٍ مّ كٍلِقٍ سّرّشّبَدٍ شّيمَ دَاشِ قٍرِ تُنشُن نَانِيٍ مَ، نَشَن نَ عَلَ يَ عِ.
14نَ شُي نَشَ عَ قَلَ مَلٍكّ سٍننِ ندٍ بّ، سَرَ نُ سُشُشِ نَشَن يِ، «نَ مَلٍكّ نَانِ رَبّحِن، نَشٍيٍ شِرِشِ عٍقِرَتِ شُرٍ مَ.»
15نَ مَلٍكّ نَانِيٍ نُ نَ وَشَتِ يَتِ نَن مَمّمَ، عَلَكٌ عٍ شَ عَدَ مَدِ ندٍيٍ قَشَ. عَدَ مَدِيٍ عِتَشُنشِ سَشَن نَ، عٍ شَ نَ دْشْدٍ سَشَن ندٍ قَشَ. عٍ نَشَ قُلُن نَ وَلِ شِلِ مَ.
16نَ سٌي رَفِ فَلِ شَسَبِ نُ دَنفِ مِلِيْن كّمّ قِرِن نَ. ﭑ نَشَ نَ كْنتِ مّ.
17نَ لَامَتُنيِ كُي ﭑ نَشَ نَ سٌييٍ نُن عٍ رَفِيٍ تٌ. عٍ كَنكٍ مَكَنتَسٍ نُ مَحِنفِشِ نّ عَ فبٍيلِ، عَ قْورّ، نُن عَ نٍرٍقُنيِ دَاشِ. سٌي شُنيِيٍ نُ لُشِ عَلْ يّتّيٍ شُنيِ. تّ، تُورِ، نُن سٌدَ نُ مِنِمَ عٍ دّ كُي.
18دُنِحَ مِشِ عِتَشُنشِ سَشَن نَ، نَ دْشْدٍ سَشَن ندٍ نَشَ قَشَ نَ فبَلٌي سَشَنيِ مْولِ رَ؛ تّ، تُورِ، نُن سٌدَ نَشَن نُ مِنِمَ عٍ دّ كُي.
19نَ سٌييٍ سّنبّ نُ نَ عٍ دّ نُن عٍ شُلِ نَن كُي. عٍ شُلِ نُ مَنِيَشِ بْشِمَسٍ نَن نَ، شُنيِ نُ نَ عَ بّ نَشَن مِشِ تْورْ مَ.
20مِشِ نَشٍيٍ مُ قَشَ نَ فبَلٌي سَابُي رَ، عٍ مُ فبِلٍن عٍ شَ وَلِ كٌبِيٍ قْشْ رَ. عٍ نُ حِننّيٍ نَن بَتُمَ، عَ نُن كُيٍيٍ شّيمَ دَاشِ، فبٍتِ دَاشِ، وُرٍ فبٍيلِ دَاشِ، فّمّ دَاشِ، نُن وُرِ دَاشِ، نَشٍيٍ مُ نْمَ سٍ تٌدٍ، نَشٍيٍ مُ نْمَ قٍ مّدٍ، نَشٍيٍ مُ نْمَ حّرّدٍ.
21نَ مِشِيٍ مُ فبِلٍن عٍ شَ قَشَ تِقٍ قْشْ رَ، عٍ شَ مَندُرُ وَلِيٍ، عٍ شَ قٍ حَاشِيٍ، نُن عٍ شَ مُحّيٍ شَ قٍ قْشْ رَ.
