1Anantera nampa 5fu ankeromo'a ufe regeno, monafinti hanafimo'a mopafi atafariramigena kogeno, riga omne kerimofo kinofira ami'ne.
2Higeno agra riga omne keria anagigeno, tusi teve nerefinti atiramino eviankna huno, ana kerifintira teve tokimo'a evu'ne. Zgene zahomofona ana kerifinti teve tokimo refitegeno tusi hani hu'ne.
3Anantera ana teve tokipinti kenutamimo atiramino ama mopafi evigeno, segintavemofo hanavema ama mopafima ami'neaza huno hanave zami'ne.
4Hanki ana kenutamimofonkura anage huno zmasamine, mopafima me'nea trazana eri havizana osuge, zafasinage huno me'nea trazana eri havizana osuge, zafa eri havizana osiho. Hianagi Anumzamo hunagru hu'nea avame'zama kokovitema rukamre onte'nesia vahe'mokizmige zmazeri havizana hiho hu'ne.
5Ana nehazageno anage huno huzmante'ne, vahera zmahe ofrigahazanagi, 5fu'a ikamofo agu'afi zmatazanke zmiho huno huzmante'ne. Ana zamatazama zami'nea knazamo'a segintavemo'ma vahe'ma zmaprigeno zmatama kriankna zmata krigahie.
6Hanige'za ana knafina vahe'mo'za frisaza kanku hakaregahaze. Hianagi ofritfa nehu'za, frinaku hugahazanagi frizamo'a zamagritetira fresige'za ofrigahaze.
7Hanki ana kenu tamimofoma ke'noana avu'ava'zmimo'a hosimo hate vunaku retro hiankna nehazageno, zmasenirera kolire tro hunte'naza kini fetori knaza megeno, zmavugosamo'a vahe'mofo zmavugosagna hu'ne.
8Zmazokamo'a anemofo zmazokamoma hiaza huno zaza higeno, zmavemo'a laionimofo avemo'ma hiankna hu'ne.
9Zamimizarera hankomo'a me'ne, ana hankomo'a, aenire hankogna hu'ne. Zmagekonamofo zmagasasa kemo'a, hosiramimo renteno avazu huno nevia zamo, hate vunaku agareno neviankna agasasaru'ne.
10Ana kenutamimofona zmarisona me'negeno, ana zmarisonamo'a segintavemofo risonagna hu'negeno ana risonanu vahera nezamare. Ana risonamofona 5fu'a ikampi vahe'mofona zmatama zami hanave'a zami'ne.
11Hanki zamagrira mago kinimo kegva huzmante'ne, ana kinia ariga omne kerimofo kva ankeronkino, agi'a Hibru kefina Abadonie (fri'ne hune) huza nehaze. Mikaza eri havizahu nere nehu'za, Griki kefinena Apolonie huza agi'a neheze.
12Hanki nampa 1ni knazankuma kva hiho hu'nea knazamo'a evigeno, tare knazamo ne-eanki kva hiho.
13Anante nampa 6si ankeroma uferegeno, nagra antahugeno Anumzamofo avurega kolire tro hunte'naza kresramnavu itareti 4'a pazive me'nefinti mago'mo huno,
14nampa 6gisi ankeromo ufema erinemofona ana agerumo'a asamino, Yufretis rantintema 4'a ankerona anaki zmantenazana katufe zmantrenke'za viho huno hu'ne.
15Hanki 4'a ankeroma retroma huzmantege'za mni'naza ankerona katufe zmatrenige'za ana auagi, ana zge knagi, ana ikanki, ana kafumofo kna fatgore, 3'a kevu refko vahera hu'za, mago kevu vahe'mokizmia mika zmahe vgaregahaze.
16Hagi hosi agumpima mni'naza ha' vahe'mokizmi nampamo'a 200 milioni'a mni'naze nehigena antahi'noe.
17Hagi amanahu'za avanagnazama kofina ke'noe, hosi afu tamimofo agumpima mni'ne'za eri'za nevaza vahe'mo'za zmimizarema rufite'naza hanko zmimofo avoma'amo'a, koranke nehigeno, hokonke nehigeno, kaninkruke nehigeno, tevene salfa havemo toki nehigeno, ana hosi afutamimofo zmagenopamo'a laioni agenopagna nehigeno, zmagipintira tevene, salfa havemo'a toki hiankna huno atiramino evu'ne.
18Zmagipintima evu'nea tevemoki, salfa haverema nerea tevemo, ana 3'a knazamo maka kokankonka 3'a kevu vahepinti, mago kevu vahera zmahe vgarege'za fri'naze.
19Na'ankure hihamu hanavemo'a ana hosimofona zamagipine zmarisonafine me'ne. Ana hosimofona zmarisonamo'a, osifavegna huno asenia huntegeno, ana aseniretira vahe'mofona hazenke zamigahaze.
20Hagi ana knazamo'ma ozmahege'za mni'naza vahe'mo'za, kumi'ma hu'naza zankura zmagu'a rukrehera nosu'za, hankromofona mono hunonte'za, zamagra'a zmazampinti kolire'ene silvare ene brasire'ene havere'ene, zafa atupare'ene, zmavua onkege zmagesa ontahige kaza osu'za tro hunte'naza zante monora hunte'naze.
21Ana nehu'za vahema zmahe nefriza, avuatga ha' nehu'za, monko avu'avama nehu'za, kumzafama nesaza zankura magomo'e huno agu'a rukrehe osu'ne.
