1عَ سّبّ سَرَدٍ سِ دَنشَنِيَتْي حَمَ شَ مَلٍكّ مَ، مَسٍنيِ نَن يَ نَشَن قَتَنشِ عِسَ رَ، نَشَن شَشِلِ سٌلٌقٍرٍ يَمَرِ مَ، تُنبُي سٌلٌقٍرٍ سُشُشِ نَشَن يِ رَ؛ «ﭑ وٌ شَ وَلِ كٌلٌن. مِشِ حْشْ عَ مَ عَ وٌ حِحّ نَ عَ رَ، كْنْ وٌ بَرَ قَشَ.
2وٌ نَشَ يَنقَ، وٌ شَ وٌ بٌرٍ رَلِمَنِيَ، نَشٍيٍ نَ قَشّ كِرَ شْن، بَرِ مَ ندٍ لُشِ وٌ شَ وَلِ رَ ﭑ مَرِفِ عَلَ بّ.
3وٌ شَ رَتُ نَ مَسٍنيِ مَ، وٌ نَشَن مَسْتْشِ، وٌ نَشَن مّشِ. وٌ شَ عَ رَفَتَ وٌ بْحّ كُي، وٌ شَ تُوبِ. شَ وٌ مُ وٌ حّنفِ سَ يِ شْن، ﭑ قَمَ نّ وَشَتِ ندٍ كُي وٌ مُ نَشَن كٌلٌن، نَ قَ قِندِ تّرّننَ رَ وٌ بّ عَلْ مُحّتِ قَ تّمُي.
4كْنْ مِشِ ندٍيٍ نَ سَرَدٍ سِ نَشٍيٍ مُ نْشْشِ قٍ حَاشِ رَ. نٍيٍ قَمَ نّ حّرّدٍ ﭑ سّيتِ مَ، دٌنمَ قِيشّ رَفٌرٌشِ عٍ مَ، بَرِ مَ نَ نَن قِندِشِ عٍ شَ وَلِ سَرٍ رَ.»
5«نَشَن نَ فٍينِ، دٌنمَ قِيشّ رَفٌرٌ مَ عَ مَ. ﭑ مُ عَ شِلِ بَمَ سِمَيَ بُكِ كُي، ﭑ عَ شَ قٍ قَلَمَ نّ ﭑ بَبَ عَلَ بّ عَ شَ مَلٍكّيٍ يَ شْرِ.
6تُلِ نَ نَشَن بّ، عَ شَ عَ تُلِ مَتِ عَلَ شَشِلِ سّنِيّنشِ شَ مَسٍنيِ رَ دَنشَنِيَتْي حَمَيٍ بّ.»
7عَ سّبّ قِلَدٍلِقِيَ دَنشَنِيَتْي حَمَ شَ مَلٍكّ مَ، مَسٍنيِ نَن يَ نَشَن قَتَنشِ سّنِيّنتْي نْندِ قَلّ رَ، دَوُدَ شَ سَابِ نَ نَشَن يِ رَ، نَشَن نَادّ رَبِمَ مِشِ مُ نْ عَ بَلَندٍ، نَشَن نَادّ بَلَنمَ مِشِ مُ نْ عَ رَبِدٍ؛
8«ﭑ وٌ شَ وَلِ كٌلٌن. ﭑ عَ كٌلٌن وٌ سّنبّ مُ فبٌ، كْنْ وٌ بَرَ ﭑ مَ مَسٍنيِ رَبَتُ، وٌ مُ ﭑ يَنقَ. نَ كُي، ﭑ بَرَ نَادّ ندٍ رَبِ وٌ يَ رَ، مِشِ مُ نْمَ نَشَن بَلَندٍ.
9ﭑ قَمَ نّ مِشِيٍ سَدٍ وٌ بّلّشّ نَشٍيٍ عَ قَلَمَ عٍ يّتّ بّ عَ يُوِقِيٍ، كْنْ عٍ قِندِشِ سٍنتَنّ شَ حَمَ نَن نَ. عٍ نَ وُلٍ نَن قَلَقٍ. ﭑ قَمَ نّ عٍ رَ، عٍ شَ عٍ مَفٌرٌ وٌ بّ، عٍ شَ عَ كٌلٌن وٌ رَقَن ﭑ مَ.
10وٌ تٌ ﭑ مَ مَسٍنيِ رَبَتُ تُننَبّشِ كُي، ﭑ قَن وٌ رَتَنفَمَ نّ نَ وَشَتِ شْرْشْي مَ نَشَن قَمَ دُنِحَ لِدٍ، عَ قَ دُنِحَ مِشِ بِرِن مَتٌ.
11عَ فبٍ مُ لُشِ ﭑ شَ قَ. وٌ نَشَ وٌ شَ دَنشَنِيَ بّحِن، عَلَكٌ مِشِ يٌ نَشَ وٌ سَرٍ قَنيِ بَ وٌ يِ رَ.»
12«نَشَن نَ فٍينِ، ﭑ عَ قِندِ مَ ﭑ مَرِفِ عَلَ شَ هْرْ مْبَنشِ كِنكِ رَ، عَ شَ لُ مّننِ عَبَدَن. ﭑ نَن ﭑ مَرِفِ عَلَ شِلِ نُن ﭑ مَرِفِ عَلَ شَ تَا شِلِ سّبّمَ نّ عَ مَ. نَ تَا قِندِشِ دَرِ سَلَمُ نّينّ نَن نَ، عَلَ نَشَن نَفٌرٌ مَ كٍلِقٍ كٌورٍ مَ. ﭑ نَن ﭑ شِلِ نّينّ قَن سّبّمَ نّ عَ مَ.
13تُلِ نَ نَشَن بّ، عَ شَ عَ تُلِ مَتِ عَلَ شَشِلِ سّنِيّنشِ شَ مَسٍنيِ رَ دَنشَنِيَتْي حَمَيٍ بّ.»
14عَ سّبّ لَيٌدِ سٍيَ دَنشَنِيَتْي حَمَ شَ مَلٍكّ مَ، مَسٍنيِ نَن يَ نَشَن قَتَنشِ عِسَ رَ، نَشَن قِندِشِ عَلَ سَفٌ رَكَمَلِ رَ، عَ شَ سٍيدٍ لَشِشّ، عَلَ شَ دَالِيٍ دَاشِ نَشَن سَابُي رَ؛
15«ﭑ وٌ شَ وَلِ كٌلٌن. وٌ مُ شِنبٍلِ، وٌ مُ وٌلٍن. عَ شْلِ ﭑ مَ وٌ شَ نَتّ تٌنفٌ، وٌ شَ شِنبٍلِ، شَ نَ مُ عَ رَ وٌ شَ وٌلٍن.
16وٌ تٌ قَ لُشِ عَ تَفِ، وٌ مُ وٌلٍن، وٌ مُ شِنبٍلِ، ﭑ وٌ رَبٌلٌمَ نّ.
17وٌ بَرَ عَ قَلَ، ‹بَننَمِشِيٍ نَن مُشُ رَ، مُشُ هَيِ مُ نَ قٍقٍ مَ.› وٌ مُ عَ كٌلٌن عَ وٌ قِندِشِ تْورْ مِشِيٍ نَن نَ، عَ نُن مِسِكِينّيٍ، سٍتَرٍيٍ، دْنشُييٍ، نُن مِشِ مَفٍلِ.
18ﭑ مَرَ سِ نَشَن قِمَ وٌ مَ، وٌ شَ شّيمَ قَنيِ سَرَ ﭑ مَ، شّيمَ نَشَن فبِ بَشِ تّ رَ، عَلَكٌ وٌ شَ قِندِ بَننَمِشِيٍ يَتِ رَ. وٌ شَ دٌنمَ قِيشّ سَرَ ﭑ مَ، وٌ شَ نَ رَفٌرٌ وٌ مَ، عَلَكٌ وٌ شَ بَ تِشِ وٌ مَفٍلِ رَ، يَافِ شَ بَ وٌ مَ. وٌ مَن شَ يَ سٍرِ سَرَ ﭑ مَ، عَلَكٌ وٌ شَ قٍ عِفبّ.
19ﭑ نَن ﭑ شَنُنتٍنيِيٍ نَن شُرُ مَ، ﭑ عٍ مَتِنشِن. وٌ شَ وَكِلِ، وٌ شَ تُوبِ.
20ﭑ تِشِ نَادّ رَ، ﭑ نَ عَ كْنكْنقٍ. شَ مِشِ ندٍ ﭑ شُي مّ، عَ نَادّ رَبِ ﭑ بّ، ﭑ سٌمَ نّ عَ شْنيِ، مُشُ قَ مُشُ دّفٍ يِرٍ كٍرٍن.»
21«نَشَن نَ فٍينِ، عَ لُمَ ﭑ سّيتِ مَ ﭑ مَ كِبَنيِ كُي، عَلْ ﭑ تَن قَن تٌ فٍينِ، ﭑ قَ ﭑ مَفٌرٌ ﭑ بَبَ عَلَ سّيتِ مَ عَ شَ كِبَنيِ كُي.
22تُلِ نَ نَشَن بّ، عَ شَ عَ تُلِ مَتِ عَلَ شَشِلِ سّنِيّنشِ شَ مَسٍنيِ رَ دَنشَنِيَتْي حَمَيٍ بّ.»
