1نَ دَنفِ شَنبِ ﭑ نَشَ سُبٍ مَفَاشُشِ ندٍ تٌ تٍ رَ يٍ شْورَ، قٍرِ قُ نَ عَ شُنيِ سٌلٌقٍرٍ مَ، مَنفّ كَتَنيِيٍ دْشْشِ نَ قٍرِ قُ قَرِ. مَرَ سْتْ شِلِيٍ قَن نُ سّبّشِ عَ شُنيِيٍ مَ.
2نَ سُبٍ مَفَاشُشِ نُ مَنِيَشِ بَرَتّ نَن نَ، عَ سَنيِيٍ سّنبّ نُ فبٌ، عَ دّ نُ لُشِ نّ عَلْ يّتّ دّ. نَ سُبٍ مَفَاشُشِ نَشَ عَ سّنبّ، عَ شَ نْي، نُن عَ شَ كِبَنيِ لُ سُبٍ بٌورٍ يِ رَ.
3قِ حَاشِ تٌ لُ عَ شُنيِ كٍرٍن مَ، عَ نَشَ يَلَن. نَ قِ تٌ مُ عَ قَشَ، دُنِحَ نَشَ كَابَ، عٍ بِرِن نَشَ بِرَ عَ قْشْ رَ.
4دُنِحَ مِشِيٍ نَشَ تُوبِ سُبٍ مَفَاشُشِ بّ، بَرِ مَ عَ تَن نَن نُ بَرَ نْي سٌ سُبٍ بٌورٍ يِ رَ. عٍ مَن نَشَ تُوبِ سُبٍ بٌورٍ بّ، عٍ نُ عَ قَلَ، «ندٍ مَنِيَ يِ سُبٍ رَ، ندٍ نْمَ عَ فٍرٍدٍ؟»
5نَ سُبٍ نَشَ نْي سْتْ عَ شَ يّتّ عِفبٌي مَسٍنيِ نُن مَرَ سْتْي قَلّ رَ. عَ نَشَ نْي سْتْ، عَ شَ وَلِ كِكٍ تٌنفٌ نَانِ نُن قِرِن بُن مَ.
6عَ نَشَ عَلَ رَ سْتْ، عَ عَلَ شِلِ كَنَ، عَ عَلَ شَ هْرْ مْلِنفِرَ رَ سْتْ، عَ نُن نَشٍيٍ سَبَتِشِ كٌورٍ مَ.
7عَ نَشَ نْي سْتْ عَلَكٌ عَ شَ سّنِيّنتْييٍ فٍرٍ، عَ شَ نْ عٍ رَ. عَ نَشَ نْي سْتْ بْنسْي، سِ، شُي، نُن حَمَنّ بِرِن شُن مَ.
8دُنِحَ مِشِ بِرِن قَمَ تُوبِدٍ عَ تَن نَن بّ، نَشٍيٍ شِلِ مُ سّبّشِ يّشّييْرّ كْن نَشَبَشِ شَ كِسِ بُكِ كُي كَبِ دُنِحَ قْلّ.
9تُلِ نَ نَشَن بّ، عَ شَ عَ تُلِ مَتِ يِ مَسٍنيِ رَ.
10كٌنيِيَ رَفِرِشِ مِشِ نَشَن مَ، عَ سِفَمَ نّ كٌنيِيَ كُي. سَنتِدّفّمَ قَشّ رَفِرِشِ مِشِ نَشَن مَ، نَ كَنيِ قَن قَشَمَ نّ سَنتِدّفّمَ رَ. سّنِيّنتْييٍ شَ تُننَبّشِ نُن دَنشَنِيَ كٌلٌنمَ نَ نَن كُي.
11نَ دَنفِ شَنبِ ﭑ مَن نَشَ سُبٍ مَفَاشُشِ فبّتّ تٌ عَ تٍقٍ بْشِ بُن مَ، قٍرِ قِرِن نُ نَ عَ بّ عَلْ يّشّي، عَ نُ وْيّنمَ عَلْ سُبٍ مَفَاشُشِ.
12عَ نُ نَ سُبٍ مَفَاشُشِ سِنفٍ سّنبّ نَن نَوَلِقٍ نَ يَ شْرِ، عَ عَ نِيَ دُنِحَ مِشِ بِرِن شَ تُوبِ نَ سُبٍ مَفَاشُشِ سِنفٍ بّ، نَشَن شَ قِ حَاشِ نُ بَرَ يَلَن.
13عَ نُ لُمَ كَابَنَكٌي بٍلٍبٍلٍ رَبَ رَ، هَن عَ تّ رَفٌرٌ بْشِ مَ كٍلِقٍ كٌورٍ مَ مِشِيٍ يَ شْرِ.
14عَ تٌ نَ سّنبّ سْتْ، عَ نَشَ دُنِحَ مِشِيٍ مَدَشُ عَ شَ كَابَنَكٌي رَ نَ سُبٍ مَفَاشُشِ سِنفٍ يَ شْرِ. عَ نَشَ عَ قَلَ دُنِحَ مِشِيٍ بّ عٍ شَ كُيٍ يَءِلَن نَشَن مَنِيَ نَ سُبٍ مَفَاشُشِ سِنفٍ رَ، نَشَن نُ بَرَ مَشْنْ سَنتِدّفّمَ رَ، كْنْ عَ مُ قَشَ.
15عٍ تٌ نَ كُيٍ يَءِلَن، عَ نَشَ نْي سْتْ عَ شَ عَ نِيَ نَ كُيٍ شَ وْيّن، مِشِ بِرِن شَ قَشَ نَشَن مُ تُوبِمَ نَ كُيٍ بّ.
16عَ نَشَ يَامَرِ قِ، دِ مّدِيٍ نُن قٌرِيٍ، بَننَيٍ نُن سٍتَرٍيٍ، لَسِرِيٍ نُن كٌنيِيٍ، تْنشُمَ شَ سَ عٍ بِرِن يِرٍقَنيِ بّلّشّ مَ، شَ نَ مُ عٍ تِفِ مَ،
17عَلَكٌ مِشِ مَتْنشُمَتَرٍيٍ نَشَ سَرٍ سٌ، عٍ نَشَ سَرٍ مَتِ. نَ تْنشُمَ قِندِشِ سُبٍ شِلِ نَن نَ، شَ نَ مُ عَ رَ يِ كْنتِ نَن قِندِشِ شِلِ رَ.
18لْننِ نَ نَشَن بّ، عَ شَ نَ كْنتِ كٌلٌن، بَرِ مَ عَ عَدَ مَدِ شَ قٍ مَسٍنمَ. نَ كْنتِ نَشَن قِندِشِ شِلِ رَ عَ قِندِشِ كّمّ سٍننِ، تٌنفٌ سٍننِ نُن سٍننِ نَن نَ.
