سَمُوٍلِ ٢ 23:1-17

¹دَوُدَ شَ مَسٍنيِ دْنشْي نَن يَ؛ يِسَيِ شَ دِ دَوُدَ شَ مَسٍنيِ نَن يَ، كُنتِفِ شُنفبٍ، يَشُبَ مَرِفِ عَلَ نَشَن سُفَندِشِ مَنفّ رَ، بّيتِبَ نَشَن مَنِيّ مُ نَ عِسِرَيِلَ بْشِ مَ.

²«عَلَتَلَ شَشِلِ بَرَ سٌ ﭑ دّ عِ، عَ شَ مَسٍنيِ نَن يَ.

³عِسِرَيِلَ مَرِفِ عَلَ بَرَ وْيّن، عِسِرَيِلَ شَ قَنيٍ بَرَ عَ قَلَ ﭑ بّ، ‹نَشَن نَ مَنفّيَ شَنِنقٍ تِنشِنيِ رَ، نَشَن نَ مَنفّيَ شَنِنقٍ عَلَ شَ يَرَفَاشُي كُي،

⁴نَ كَنيِ لُشِ نّ عَلْ فّيسّفّ، سٌفٍ تٍ تّمُي نُشُي يٌ مُ عَ يَ مَ. عَ لُشِ عَلْ يَنبّ نُن تُنّ نَشَن سَنسِ رَ مِنِمَ بْشِ مَ.

⁵ﭑ مَ دٍنبَيَ نَ نَ كِ نّ عَلَ بّ، بَرِ مَ مُشُ شَ سَاتّ مُ كَنَمَ عَبَدَن، عَ مَبَنبَنشِ عَ قَنيِ رَ. عَ قَمَ ﭑ مَ كِسِ رَكَمَلِدٍ، عَ هِننّمَ ﭑ نَ قٍ قَنيِ بِرِن نَ.›»

⁶«كْنْ مِشِ سّرِيّتَرٍ لُشِ نّ عَلْ سَنسِ تُنبٍ دَاشِ نَشَن شُن نَكَنَمَ، نَشَن مُ مَتٌنفٌمَ بّلّشّ رَ،

⁷نَشَن شَبَمَ دّفّمَ نُن كٍرِ رَ، نَشَن فَنمَ تّ رَ عَ بُلَشِ دّننَشّ.»

⁸دَوُدَ شَ سْورِيٍ شُنيِيٍ نَن يَ؛ شَكِمٌنِ شَ دِ يَسٌبٍيَمِ، نَشَن قِندِ عٍ شُنيِ رَ. عَ تَن نَشَن مَن نُ شِلِ عَدِنٌ عٍسِنِكَ، نَن مِشِ كّمّ سٌلٌمَسَشَن قَشَ تَنبّ رَ فٍرٍ كٍرٍن كُي.

⁹عَ قِرِن ندٍ قِندِ دٌدَيِ شَ دِ عٍلٍيَسَرِ نَن نَ، عَشٌوَكَ. عَ نُ نَ دَوُدَ شَ سّنبّمَ سَشَنيِيٍ يَ مَ، نَشٍيٍ دَوُدَ مَلِ قِلِسِتَكَيٍ فٍرٍدٍ، عِسِرَيِلَكَيٍ تٌ عٍ فِ عٍ مَ عٍ سِفَ فٍيَ قَرِ.

¹⁰عَ تَن نَن قِلِسِتَكَيٍ فٍرٍ، هَن عَ بّلّشّ كَنكَن عَ شَ سَنتِدّفّمَ مَ. عَلَتَلَ نَشَ شُن نَكٍلِ قَنيِ قِ عٍ مَ نَ لْشْي. حَمَ مُ فبِلٍن عٍلٍيَسَرِ يِرٍ قٌ فٍرٍ تٌ حْن. عٍ نَشَ مِشِ قَشَشِيٍ هَرِفٍ تٌنفٌ.

¹¹عَ سَشَن ندٍ قِندِ عَفٍ شَ دِ سَنمَ نَن نَ، هَرَرَكَ. قِلِسِتَكَيٍ نُ عٍ مَلَنشِ لٍشِ تّمُي نَشّ. بْشِ ندٍ نُ نَ مّننِ، تٌفٍ نُ سِشِ نَشَن مَ. عِسِرَيِلَكَيٍ نُ بَرَ عٍ فِ قِلِسِتَكَيٍ مَ،

¹²كْنْ سَنمَ نَشَ تِ نَ تٌفٍ شّ تَفِ قِلِسِتَكَيٍ فٍرٍدٍ. عَلَتَلَ نَشَ شُننَكٍلِ قَنيِ قِ عٍ مَ نَ لْشْي.

¹³يَرٍرَتِ سَشَن، دَوُدَ شَ يَرٍرَتِ تٌنفٌ سَشَنيِيٍ يَ مَ، نَشَ سِفَ دَوُدَ يِرٍ عَدُلَمَ قْنمّ رَ. قِلِسِتَكَيٍ نُ تِشِ رٍقَ فُلُنبَ كُي.

¹⁴نَ وَشَتِ دَوُدَ نُ نَ عَ شَ يِرٍ مَكَنتَشِ كُي، قِلِسِتَكَيٍ قَن نُ نَ بّتّلّيمُ.

¹⁵دَوُدَ نَشَ عَ سَفٌ ندٍ قَلَ، «عَ شْلِ ﭑ مَ ﭑ شَ بّتّلّيمُ كْلْنيِ يٍ مِن.»

¹⁶نَ سْورِ يَرٍرَتِ سَشَنيِيٍ نَشَ قِلِسِتَ نَانِنيِ عِفِرِ، عٍ سَ يٍ بَ كْلْنيِ رَ نَشَن نَ بّتّلّيمُ نَادّ رَ. عٍ تٌ قَ نَ رَ دَوُدَ بّ، عَ نَشَ تٌندِ نَ مِندٍ. عَ نَشَ عَ عِقِلِ بْشِ مَ سّرّشّ رَ عَلَتَلَ بّ.

¹⁷عَ نَشَ عَ قَلَ، «عَلَ شَ ﭑ نَتَنفَ نَ مَ. ﭑ مُ نْمَ يِ يٍ مِندٍ، ﭑ مَ شّمّيٍ نَشَن سْتْشِ ﭑ بّ عٍ نِي سَرٍ رَ. نَ لُمَ عَلْ عٍ نِي تِدٍ مُ فبٌ ﭑ بّ.» نَ كُي عَ نَشَ تٌندِ يٍ مِندٍ عَ شَ سّنبّمَ سَشَنيِيٍ نَشَن سْتْ عَ بّ.