Ʒare Biri 25:8-14

⁸Erâ ŋic ŋokac jahe ficmaŋko fepire mi bâjapec‐jofa ferâ âke hâmoc‐jofazejec i! E iŋuc eme Israe ŋic huc mimicne fua‐jarewec i qaʒue wahawec.

⁹Eme sifu huc mimicnere erâ hâmombiŋ jaŋere ʒare 24 tauseŋ ewec.

¹⁰Eme Wofuŋzi Mose kecʒiŋuc âzâcnewec:

¹¹“Aroŋte ŋokâ Eleaʒa ere ŋokâ Pinehasi eki nore âkehoc Israe ŋic jaŋere ŋondeŋko ʒoɋac sâko ehuc jaŋeraonec aaric‐nane bâsuewecte moc mi bâsirowec‐jopapo.

¹²Irec hâcne ʒiŋuc âzâcnezemec: ‘Manakic, no gohec wamare ʒâʒâfic epemu.

¹³Eme go â ɋâricfâcge ŋoŋe ʒâʒâfic irec maŋnao juhuc taha bapa gie barâ barahuc junʒepieŋ. Go Anutuge nore erâ ʒoɋac ehuc Israe ŋic jaŋere kiwiric romeŋte iŋuc fua‐ŋarezejec.’”

¹⁴Israe ŋic Midiaŋ ŋokac ehec âke hâmoc‐jofakicne ere ʒâŋe Ʒimiri. E Simeoŋte guru irec garikiŋ guru moc jaŋere micne Salu ere ŋokâ.