Ʒare Biri 1:1-52

¹Israe ŋic jaŋe Aigita mâreŋkonec waharâ juhapie jara 2 irec mosa 2 â irec ʒoaŋ gie bapa 1 eha Wofuŋzi Sinai mâreŋ burocnao tutumaŋte qoruc bozeo Mose dâŋ kecʒiŋuc âzâcnewec:

²“Ŋoŋe Israe kikefuŋ sasawa wose qâreŋ ejarenʒepieŋ, ehuc fic sâc â guru sâc mamacfâc‐jeŋic jaŋere ʒâŋe biri forakac irec sâcko ŋic sasawa jaŋere ʒâŋe ronʒepieŋ.

³Aroŋhec ŋohe Israe ŋic jara‐jeŋic 20‐o domarâ fekac, ʒikao rarare sâc eŋgopieŋ jaŋere ʒare rofârezepirec.

⁴Ehame guru sâc irecnec micne bapa ŋoherao ʒuhuckenʒepieŋ.

⁵Ine ŋic kecʒiŋuc jaŋe hâcne ŋohehec ranʒepieŋ: Rubeŋ guruonec Sedeure ŋokâ Elizuru,

⁶Simeoŋ guruonec Zurisadaire ŋokâ Selunie,

⁷Juda guruonec Aminadare ŋokâ Nasoŋ,

⁸Isasare guruonec Zuarare ŋokâ Netanele,

⁹Sebuloŋte guruonec Heloŋte ŋokâ Eliaba,

¹⁰Josefere ŋokâ Eferaim guruonec Amihudure ŋokâ Elisama, â Manase guruonec Pedazure ŋokâ Gamalie,

¹¹Benjamiŋte guruonec Gideonire ŋokâ Abidaŋ,

¹²Daŋte guruonec Amisadaire ŋokâ Ahieʒe,

¹³Ase guruonec Okoraŋte ŋokâ Pagiele,

¹⁴Gadere guruonec Reguelere ŋokâ Elisafa,

¹⁵Naftali guruonec Enaŋte ŋokâ Ahira.”

¹⁶Ŋic i jaŋe hâcne kikefuŋkonec rowosâec‐jopakicne, jaŋe mamac ŋosafâc‐jeŋic jaŋere ɋâricfâc jaŋeraonec micne â Israe ŋic gurune gurune jaŋere fekicnefâc.

¹⁷Eme Mose â Aroŋ jahe ŋic ʒâŋe‐jeŋic mukicne jaŋe rocjopapic.

¹⁸Eme jaŋe mosa 2 irec ʒoaŋ gie bapa 1 ira kikefuŋ sasawa hetumaŋ‐jopambiŋ. Ehuc fic sâc â mamacfâc‐jeŋic jaŋere ʒâŋe biri forawec irec sâcko ŋic sasawa jara‐jeŋic 20‐o domarâ fekac jaŋe wose qâreŋ ejarembiŋ.

¹⁹Wofuŋzi Mose mutâcnecnewec irec sâcko ehuc Sinai mâreŋ burocnao ʒare‐jeŋic rofârewec hâcne.

²⁰Israe mârâc motec‐ticne Rubeŋ, ere ɋâricfâc jaŋe fic sâc erâ mamacfâc‐jeŋic jaŋere ʒâŋe biri forawec irec sâcko wose qâreŋ ejarembiŋ. Ehuc ŋic sasawa jara‐jeŋic 20‐o domarâ fekac, erâ ʒikao rarare sâc embiŋ,

²¹jaŋere ʒâŋe muhuc wosec‐jopakupie Rubeŋ guru ʒare‐jeŋic 46 tauseŋ 500 fuawec.

²²Simeoŋte ɋâricfâc jaŋe fic sâc erâ mamacfâc‐jeŋic jaŋere ʒâŋe biri forawec irec sâcko wose qâreŋ ejarembiŋ. Ehuc ŋic sasawa jara‐jeŋic 20‐o domarâ fekac, erâ ʒikao rarare sâc embiŋ

²³jaŋere ʒâŋe muhuc wosec‐jopakupie Simeoŋ guru ʒare‐jeŋic 59 tauseŋ 300 fuawec.

²⁴Gadere ɋâricfâc jaŋe fic sâc erâ mamacfâc‐jeŋic jaŋere ʒâŋe biri forawec irec sâcko wose qâreŋ ejarembiŋ. Ehuc ŋic sasawa jara‐jeŋic 20‐o domarâ fekac, erâ ʒikao rarare sâc embiŋ

²⁵jaŋere ʒâŋe muhuc wosec‐jopakupie Gadere guru ʒare‐jeŋic 45 tauseŋ 650 fuawec.

²⁶Judare ɋâricfâc jaŋe fic sâc erâ mamacfâc‐jeŋic jaŋere ʒâŋe biri forawec irec sâcko wose qâreŋ ejarembiŋ. Ehuc ŋic sasawa jara‐jeŋic 20‐o domarâ fekac, erâ ʒikao rarare sâc embiŋ

²⁷jaŋere ʒâŋe muhuc wosec‐jopakupie Juda guru ʒare‐jeŋic 74 tauseŋ 600 fuawec.

²⁸Isasa ere ɋâricfâc jaŋe fic sâc erâ mamacfâc‐jeŋic jaŋere ʒâŋe biri forawec irec sâcko wose qâreŋ ejarembiŋ. Ehuc ŋic sasawa jara‐jeŋic 20‐o domarâ fekac, erâ ʒikao rarare sâc embiŋ

²⁹jaŋere ʒâŋe muhuc wosec‐jopakupie Isasa guru ʒare‐jeŋic 54 tauseŋ 400 fuawec.

³⁰Sebuloŋte ɋâricfâc jaŋe fic sâc erâ mamacfâc‐jeŋic jaŋere ʒâŋe biri forawec irec sâcko wose qâreŋ ejarembiŋ. Ehuc ŋic sasawa jara‐jeŋic 20‐o domarâ fekac, erâ ʒikao rarare sâc embiŋ

³¹jaŋere ʒâŋe muhuc wosec‐jopakupie Sebuloŋ guru ʒare‐jeŋic 57 tauseŋ 400 fuawec.

³²Josefere ɋâricfâc, Eferaimte ŋicguru hâcne, jaŋe fic sâc erâ mamacfâc‐jeŋic jaŋere ʒâŋe biri forawec irec sâcko wose qâreŋ ejarembiŋ. Ehuc ŋic sasawa jara‐jeŋic 20‐o domarâ fekac, erâ ʒikao rarare sâc embiŋ

³³jaŋere ʒâŋe muhuc wosec‐jopakupie Eferaim guru ʒare‐jeŋic 40 tauseŋ 400 fuawec.

³⁴Manasere ɋâricfâc jaŋe fic sâc erâ mamacfâc‐jeŋic jaŋere ʒâŋe biri forawec irec sâcko wose qâreŋ ejarembiŋ. Ehuc ŋic sasawa jara‐jeŋic 20‐o domarâ fekac, erâ ʒikao rarare sâc embiŋ

³⁵jaŋere ʒâŋe muhuc wosec‐jopakupie Manase guru ʒare‐jeŋic 32 tauseŋ 200 fuawec.

³⁶Benjamiŋte ɋâricfâc jaŋe fic sâc erâ mamacfâc‐jeŋic jaŋere ʒâŋe biri forawec irec sâcko wose qâreŋ ejarembiŋ. Ehuc ŋic sasawa jara‐jeŋic 20‐o domarâ fekac, erâ ʒikao rarare sâc embiŋ

³⁷jaŋere ʒâŋe muhuc wosec‐jopakupie Benjamiŋ guru ʒare‐jeŋic 35 tauseŋ 400 fuawec.

³⁸Daŋte ɋâricfâc jaŋe fic sâc erâ mamacfâc‐jeŋic jaŋere ʒâŋe biri forawec irec sâcko wose qâreŋ ejarembiŋ. Ehuc ŋic sasawa jara‐jeŋic 20‐o domarâ fekac, erâ ʒikao rarare sâc embiŋ

³⁹jaŋere ʒâŋe muhuc wosec‐jopakupie Daŋ guru ʒare‐jeŋic 62 tauseŋ 700 fuawec.

⁴⁰Asere ɋâricfâc jaŋe fic sâc erâ mamacfâc‐jeŋic jaŋere ʒâŋe biri forawec irec sâcko wose qâreŋ ejarembiŋ. Ehuc ŋic sasawa jara‐jeŋic 20‐o domarâ fekac, erâ ʒikao rarare sâc embiŋ

⁴¹jaŋere ʒâŋe muhuc wosec‐jopakupie Ase guru ʒare‐jeŋic 41 tauseŋ 500 fuawec.

⁴²Naftalire ɋâricfâc jaŋe fic sâc erâ mamacfâc‐jeŋic jaŋere ʒâŋe biri forawec irec sâcko wose qâreŋ ejarembiŋ. Ehuc ŋic sasawa jara‐jeŋic 20‐o domarâ fekac, erâ ʒikao rarare sâc embiŋ

⁴³jaŋere ʒâŋe muhuc wosec‐jopakupie Naftali guru ʒare‐jeŋic 53 tauseŋ 400 fuawec.

⁴⁴Ŋic guru i jaŋe hâcne wose qâreŋ ejarekicne. Mose â Aroŋ erâ Israe ŋic micne 12 jaŋe wose qâreŋ gie i bambiŋ. Ŋic 12 i jaŋe ine Israe guru sâc â ficjeŋic sâc irec micne erâ jumbiŋ.

⁴⁵Jaŋe mamacfâc‐jeŋic jaŋere ʒâŋe biri forawec irec sâcko Israe ŋic sasawa jara‐jeŋic 20‐o domarâ fekac, erâ ʒikao rarare sâc embiŋ

⁴⁶jaŋere ʒare qâhâckekupie 603 tauseŋ 550 ewec.

⁴⁷Lewi guru jaŋe ine mamacfâc‐jeŋic jaŋere ʒâŋe biri foipieha wose qâreŋ mi ejarekicne.

⁴⁸Wofuŋzi Mose kecʒiŋuc âzâcnewec:

⁴⁹“Ŋoŋe Lewi guru jaŋe mi wosec‐jopanʒepieŋ, â Israe ŋic gâcne jaŋerao ʒuhuc‐joparâ wose qâreŋ wâc mi ejarenʒepieŋ.

⁵⁰Jaŋe ine tiri boze â wâcwiac‐ticne sasawa irec soŋaŋ âkendâŋ‐jopanʒepieŋ. Jaŋe tiri boze â wâcwiac‐ticne sasawa reŋkenʒepieŋ, erâ kiŋaŋ‐ticne qahuc râreckerâ ficboze erâ ŋenʒepieŋ.

⁵¹Izi ʒuhuckerâ raniŋte manasuhuc Lewiŋic jaŋe tiri bozere wiac qâzuckerâ reŋke ranʒepieŋ, me ŋemanahuc tiri boze mocwâc fârenʒepieŋ. Ehame ŋic omane moczi tiri bozere maŋfuŋko fisime qâhâmonʒepieŋ.

⁵²Israe ŋic gâcne jaŋe ine guru‐jeŋic â maqâreŋ‐jeŋic sâc qoruc boze‐jeŋic fârenʒepieŋ.