Ʒare Biri 13:31-33

³¹Iŋuc mume ŋic ehec rambiŋ jaŋe ine kecʒiŋuc mumbiŋ: “Ŋic keci jaŋere tâpirizi nâŋâcne tâpiri sirickerâ fokac, irec nâŋâc sâcne mi sanaŋke‐jarenaŋmu.”

³²Jaŋe iŋuc murâ mâreŋ hone tâcnembiŋ irec dâŋ binaŋ bipic tataranehec ʒuhuckerâ ejarepie Israe ŋic jaŋe manarâ hâbi‐jeŋic goroŋkewec. Ehame ʒiŋuc hâcne jazambiŋ: “Mâreŋ hone tâcnenaŋte fotâcnembeŋ izi hâcne ŋecjucfâc‐ticne ɋâcjopa‐fâreekac, erâ ŋic honec‐jopambeŋ jaŋe ŋic ʒoricne â sanaŋne sasawa.

³³Erâ ŋic soka makakicne, Anakare ɋâricfâc hâcne, jaŋe wâc honec‐jopambeŋ. Honec‐jopahuc nâŋe nâŋâcne manapene ɋirikiŋ jaŋere sâc juŋgopeneŋ tinac ewec, ehame jaŋe wâc honec‐nâpopie irec sâc jaha embeŋ.”