28Ŋic ira juŋgopieŋ jaŋe ŋic sanaŋne, â hae‐jeŋic i kâcɋene erâ basanaŋkehuc bakicne. Ira Anakare ɋâricfâc jupie honec‐jopambeŋ wâc.
29Amaleke ŋic jaŋe Negebe mâreŋko juŋgopieŋ, â Hitiŋic â Jebusi ŋic erâ Amoŋŋic jaŋe tiki mâreŋko juŋgopieŋ; Kanaaŋ ŋic jaŋe ine hâwecmecko â Jordaŋ opâ heririŋnao ŋec juc eraŋgopieŋ.”
30Kalebezi ine Mosere maio ŋic ŋokac mu bâmiriŋ ejarehuc kecʒiŋuc muwec: “Nâŋâc ʒiŋuczia ferâ mâreŋ i ro rauc enʒepeneŋ, nâŋâc sâcne sanaŋkerâ ro rauc enaŋmu.”