ZABURA 141:1-7

¹Dauda lɛ̀ɛ. Dikiri, matɛn wiki lɛ́nyĩ, ǹ kɛ likalika, tó ma n sisi, ǹ sã kpá ma yãi.

²Ǹ tó ma aduakɛna ká n kĩnaa lán turaretiti túsukpɛ bà. Ǹ tó ma ↄ dↄna musu gↄ̃ dennɛ sa ↄkↄsi ona ũ.

³Dikiri, ǹ lɛ́sↄ damɛnɛ ma lɛ́nɛ, ǹ tó mà a lɛ́ fↄ̃.

⁴Ǹsun tó yã vãni ma swɛ̃̀ gátɛro, de màsun kakara kũ yãvãnikɛrinↄ ń yãvãnikɛnaa gũnlo, de màsun ń pↄ́ nnanↄ ble kũńworo.

⁵Tó gbɛ̃ mana ma lɛ, à gbɛ̃kɛ kɛ̀mɛnɛmɛ! Tó à kpã̀kɛ̃mai, mani gíiro, nísi kũ a kpɛ̃̀oomɛ. Madìgↄ̃ adua kɛ baala'i de gbɛ̃ vãninↄ yãkɛna gboro.

⁶Tó ò ń gbãnadenↄ kà sĩ̀sĩgororo wɛ̀ɛn, yãvãnikɛrinↄ ni sí kũ ma yã mɛ́ à nna.

⁷Lákũ òdi yàkaa para a bùru fãkↄ̃a nà, lɛn ń wá nigↄ̃ fãkↄ̃ana ń mira lɛ́a lɛ.