Kap 141:1-7

¹Dewit dakon kap kɨnda. Yawe, nak gak do yaŋ tɨdosot. Tepmɨsi aŋpulugoki do nandɨsat. Gak do yaŋ tɨdosot, do bɨsitno nandaki.

²Bɨsitno da mukwa kɨbaŋɨ tagɨsi da yaŋ gagon opjak dosi nandɨsat. Ae gak do kɨsitno paŋenokdot uŋun da pɨlɨndo dakon paretno yaŋ asak.

³Yawe, gen kagano do kɨla tagɨsi aŋaki gen yokwi kɨnda dɨma yokeŋ.

⁴Yum nandaŋaki butnokon da aŋpak yokwi ak do dɨma nandakeŋ. Ae yum nandaŋaki amɨn yokwi gat muwuk agek yokwi dɨma aneŋ. Yum nandaŋaki uŋun dakon jap noknok bɨsap madepmon uŋun gat dɨma yɨtneŋ.

⁵Yum nandaŋaki amɨn kɨlegɨ kɨnda da nak aŋmɨlɨp ak do jɨgɨ tagɨ namjak. Mani nak amɨn yokwi not dɨma aŋ yobeŋ. Piŋkop da amɨn yokwi uŋun aŋpak yokwini dakon kobogɨ paŋtobɨl yomjak do bɨsit asat.

⁶Amɨn da amɨn yokwi dakon kɨla amɨni uŋun tɨmɨgek maba tɨp domon pɨgɨni bɨsapmon Yawe dakon gen uŋun bamɨsi yaŋ nandaba pɨsokdaŋ.

⁷Aŋek amɨn da jap pi do mɨktɨm pɨdaŋek paŋdamɨt aŋ, uŋun da tɨlak uŋun amɨn dakon kɨdarɨ paŋdamɨt aŋek maba kɨmakbi tamogwan pɨgɨkdaŋ.