Salmos 141:1-7

¹David, we-namaked narmaksad. Bab-Jehová, sabsuli an bese goled: ¡Gwae be an-bendakdage! An bese gotele, be an-itoge.

²An-bese-goledi, ina-wawadikid-nakwemaidaeyob bese nakwemai gusun. An-argan-bese-onakwedi, sedo-ibmar-ogumakar-ukledaeyob be dake.

³Bab-Jehová an-gwabinduku-bargaed be an-imake. Bab-Jehová, mer ibmar-yogasaar-sunmaked be an-imake.

⁴Melle an-gwage ibmar-isganagi-binsaega be imake, dulemar-ibmar-isgana-imakbiedba melle akaed be an-imake. Dulemar-ibmar-isgana-imaked-abargi, melle ibagi-masgulleged-gunnega be an-imake.

⁵Dule-ibmar-innikii-imaked an-bibyoye-sogele, sabsur ibmar anga sogele, we, ibmar-nued anga imaknaid. Dulemar-isgana-e-gwallu-wawamar, an-nonogi, mer eolegega be imako. Bab-Dummad, mer an dule-isgana-e-ibmar-isgana-imakedgi-yolegega, an bese gornai guoed.

⁶E-dummagan-negsemamaid akwasaila-birgi-gwichi gulluse barmelledmalale, agi geb itomaloed, an-ibmar-sogsadi, napiragwad.

⁷Geb sogdemaloed: Anmar-garmar, napa-imules-argaarmaiyobi, anmar-garmar neg-uangi omiledoed.