A Umana Kakailai 141:1-7

¹A kakailai kai David. Luluai, iau tar kail u; una mai lulut; Una valongore ra nilaigu ba iau kail u.

²Kaugu niaring na tubang rikai piram da ra mi na lotu, Ma ba iau vatur ra limagu urama na da ra tinabar di tun tar ia ta ra ravian.

³Luluai, una vaki tika na monamono pire ra ngiegu, Una balaure bat ra matakilalatina.

⁴Koko ra balagu na lingan upi ta kaina magit, Upi koko na varvakai ma ra umana bilak na mangamangana, Varurung ma ra umana tena pait ra kaina; Ma koko ina ian ta ra adia magit i kalami.

⁵Ba ra tena takodo i virit iau, a varmari nam; Ma ba i pit iau, a varku nam ta ra ulugu; Koko ra ulugu na kamale; Ma pa ina ngo ma ra niaring ure kadia kaina mangamangana.

⁶Tumu di vue vaba kadia umana tena varkurai ta ra papar a ar, Diat a kapupi kaugu lavur tinata, tago dia kalami.

⁷Da tikai i mumut, ma i kita davai ra pia, Damana ra uru i diat na va vurvurbit ta ra ngie i ra ruarua na tulungen.