Sam 141:1-7

¹Nabz ne Devet. Yawe, kqle-zvzx nim. Xlrm natqnge. Vz-anim x okatrp ninge. Yawe, kqle-zvzx nim.

²Abrtzlvz nzkrka'-krnge nzvzdz-krbzle bam na-apule zsikapu ngr bqlr nc ninz kc tzangcbz bam. X nzglalz-krnge mqnge na-apubzle bam blz ngr milzpq.

³Yawe, mailz ninge murde ma tqrpitix natq kxtrka, A' nzycmne-krnge natubqpwz.

⁴Bzkq rlr-ngrme nzsutikr drtwrnge da kxdrka'ngr, Murde ma tqprtrpo badr kxnzaleng alwx Mz nzale-krdr da kxvz-rbr, X ma tqprlvz mzke' da kxtrka.

⁵A' mz nzprtr-krbo badr, mrlzvxitx nzayrplapxngr ninge. Murde nzatubqtingr apule tolo ngr nzamrlzngr. Bzkq narnge mqngi, Murde krka'-zvz-ngrne kx nayrlqpx-lzbqnge mz nzvz-rbr-krdr.

⁶X ncblo sa na-abrtz-ngrdr natq ngr nzatubqti-krnge nidr Mzli kc namc-ngrdr nzbzkr kxnzetu r kxdrka'-ngrng mz nzayrplapxngr nidr.

⁷X nrvr ngrdr sa natwzbetxne mz drtc' Mz nzapu-krdr lrdz kcng tqalvxlz nrc.