Yohana 15:11-23

¹¹Mi tre kpe biyi ni yiwu ni ndu si sron Mu nda he ni yi, na ndu si sron a shu.

¹²Iwa yi a hi ndu Mu, ni ndu yi son kpa mbi na wa Mi son yi'a.

¹³Indrjori na he ni son ri zan wayi na - wa iri ni re (ivri) ma no ni tu kpukpan ma.

¹⁴Bi kpukpan Mu inde bi tie kpe wa Mi hla ni yiwu dun yi tiewu.

¹⁵Mi na la yo yi tie igran ngana; igran na to kpe wa Iti koh ma ni tie'a na. Mi yo yi kpukpan Mu, ni kpe wa Mi wo ni Timu wawu, wu Mi dun yi to.

¹⁶Ana biyi bi chu Me na, a Me mi chu yi ni ton yi ni dun yi hi ni klo ni ndu klo mbi ndu ba toh naki iwa yi ni he naki, ni tu ko ngyeri bi minye Ti Mu ni mi nde Mu, ani no yi.

¹⁷Mi yo yi ni ndu yi kpa nyeme ni kpa mbi.

¹⁸I gbungblu'a nita kama ni yi, bi ka to ndi a kama ni Me ri na kama ni yi.

¹⁹Bini na u gbungblu'a, gbungblu'a ba ni son yi nawu mba. Ni wa bina u gbungblu; a na, Mi la juyi ni mi gbungblu'a, nitu ki gbungblu'a ni kama niyi.

²⁰Bi ka rimren ikpe wa Mi na hla ni yiwu'a, “Igran na zan tiko ma ni ninkon na.” Inde ba ti me di, biyi me ba tiyi di'a, inde ba hu tre mu, ba hu tre mbi ngame.

²¹Ba ti bibi kpe mba ni yiwu wawu ni tu inde Mu, niwa ba na toh indji wa a ton me na.

²²Mi na ye tre ni ba na, ba na he ni lahtre na, u zizan, ba na he ni kpe u gbisron tu lahtre mba na.

²³Indji wa a kama ni Me, a kama ni Ti Mu.