Jan Laabaalihamo 15:11-23

¹¹N maadi yi, laa maama ke yin yaa pia n ya pamanli buolu, Ke yi pamanli n pugini ki dagidi cain.

¹²Line n tie n balimaama: Yin ya bua mani yi yaba nani min bua yi maama yeni.

¹³Laa pia ya buama n cie onilo n pa o miali o danlinba po.

¹⁴Yi tie n danlinba, li ya tie ke yi tuo ki tiendi, min bili yipo yaala.

¹⁵N kan ya go yi yi n naacenba ka, kelima o naacemo ki bani o canbaa, n tiendi yaala. Ama n baa yi yi n danlinba, kelima n waani yi min den gbadi yaala n Baa kani kuli.

¹⁶Laa tie yinba ka den gandi nni. Ama mini n den gandi yi, ki go gagidi yi, ke yin gedi ki ya luoni li bonluonkaala. Ke yi bonluonkaala mo n ya ye. Lanwani yin baa mia Baa yaala n yeli nni kuli o baa pa yi la.

¹⁷Min bili yi po, yaa balimaama tie line: Yin yaa bua mani yi yaba.

¹⁸Handuna yaaba ya nani yi, yin tiadi ke bi den kpa nani mine, hali ke bi daa nani yi.

¹⁹Yi ya bi tie handuna yaabe, handuna bi baa bua yi, ama min gandi yi ke yii go tie handuna yaaba yeni, lani n teni ke bi nani yi.

²⁰Yin tiadi mani min den maadi yi yaa maama, o tuonsoanlo kan cie o canba, bi yaa den kubi n maama, bi baa kubi yi yaa maama moko.

²¹Bi baa tieni yi lan kuli kelima n yeli po, kelima baa bani yua n soani nni.

²²N yaa bi cua ki maadi leni ba, bi kan yaa bi pia tuonbiadi. Ama moala bi kan baa ki nia ke baa pia tuonbiadi.

²³Yua n nani nni, nani n Baa moko.