Juan 15:11-23

¹¹Chasa nii­ki­chitami, nuka kam­kuna­wa iapa suma alli iuia­chii­wa kan­ga­pa. Chasaka kam­kuna­pas, nuka­wa iapa suma iuia­chii­wa­mi tukuipi alli­lla kan­kan­gi­chi.

¹²—Kasa ruranga­pa­mi nii­ki­chita: imasa­mi nuka, kam­kunata kuiai­ki­chita: chasa­lla­ta kam­kuna­pas, kam kikin­pura kuia­na­kuspa kaug­san­gi­chi.

¹³Mai­kan­pas paipa kuiaska iacha­ridu­kuna­manda wañug­pika, tukui­kuna­manda­pas mas kuiag­mi ka.

¹⁴Nuka ima nis­kata kam­kuna ruraspa kag­manda­mi nuka­pa kuiaska iacha­ridu­kuna ka­puan­gi­chi.

¹⁵—Lutrin­kuna mana iachan­kuna­chu, taita­kuna ima rura­na­kugta. Chi­manda­mi kam­kunata mana nii­ki­chita: “Lutrin­kuna”. Kuna­ura­manda, nuka­pa kuiaska iacha­ridu­kuna­mi ka­puan­gi­chi. Nuka­pa Taitata tukui imasa uiaska­sina­mi kam­kunata willaspa iacha­chirkai­ki­chita.

¹⁶—Kam­kuna mana nukata ag­lla­warkan­gi­chi­chu. Nuka­mi kam­kunata agllarkai­ki­chita. Chasaka, kam­kuna maima riskapi, malki suma muiu­iug­sina kaspa, alli­lla­mi rurag­rin­kan­gi­chi. Chi alli ruras­ka­kunaka, ñi ima­ura­pas mana puchuka­rin­ga­pa kanchu. Chi­wanka, tukui ima nuka­pa Taitata nuka­manda iuia­rispa mañag­pi­kunaka, paimi kam­kunata karan­ga­pa ka.

¹⁷Kasa ruranga­pa­mi nii­ki­chita: kam kikin­pura kuia­na­kuspa kaug­san­gi­chi.

¹⁸—Kai alpapi tias­ka­kuna­lla­wa iuiag­kuna kam­kunata mana munag­pika, iuia­rin­gi­chi: pai­kuna ñugpa­mi nukata mana muna­war­ka­kuna.

¹⁹Kam­kuna kai alpapi tias­ka­kuna­lla­wa iuiag­kuna­sina kagpi, pai­kuna kikin­pura­sina­mi kam­kunata kuiantra­kuna. Kam­kuna mana kan­gi­chi­chu kai alpapi tias­ka­kuna­lla­wa iuiag­kuna­sina. Nukami kam­kunata kai alpapi kaug­sa­na­kuska­pura­manda agllarkai­ki­chita. Chi­manda­mi kai alpapi tias­ka­kuna­lla­wa iuiag­kuna, kam­kunata wabu­tispa, mana munan­kuna.

²⁰Nuka ima rimaskata iuia­rii­chi: “Lutrin, paipa taita­kuna­manda mas atun mana kanchu”. Nukata mana muna­wag­kuna, kam­kuna­ta­pas­mi mana munan­ga­pa kan­kuna. Nuka ima rimaskata uiaspa rurag­kunaka, kam­kuna imasa rimas­ka­kuna­ta­pas­mi chasa­lla­ta uian­ga­pa kan­kuna.

²¹Ikuti mana uiag­kunaka, nukata kacha­mu­wagta mana rigsispa­mi kam­kunata chasa tukui ima­pas jiru ruran­ga­pa kan­kuna, kam­kuna nuka­wa tukug­manda.

²²—Nuka mana samuspa, pai­kunata rimag­samu­nimi; pai­kuna, panda­riskapas, manachar panda­riska ni­raiantra. Chi­manda, kuna­ura mana pudin­kuna­chu nin­ga­pa: “Nuka mana iacharka­nichu”.

²³Mai­kan­pas nukata mana muna­wag, nuka­pa Taita­ta­pas­mi mana munag ka.