يَيَ 15:11-23

¹¹«ﭑ يِ قٍيٍ مَسٍنشِ نّ وٌ بّ، عَلَكٌ ﭑ مَ سّيوّ شَ لُ وٌ بّ، وٌ شَ سّيوّ شَ كَمَلِ.»

¹²«ﭑ مَ يَامَرِ قِندِشِ يِ نَن نَ؛ وٌ وٌ بٌرٍ شَنُ عَلْ ﭑ وٌ شَنُشِ كِ نَشّ.

¹³شَ مِشِ عَ نِي قِ عَ شَنُنتٍنيِيٍ شَ قٍ رَ، شَنُنتٍيَ يٌ مُ نَ نَشَن دَنفِ نَ تَن نَ.

¹⁴وٌ تَن قِندِشِ ﭑ شَنُنتٍنيِيٍ نَن نَ، شَ وٌ ﭑ مَ يَامَرِيٍ رَبَتُ.

¹⁵ﭑ مُ قَ نْمَ عَ قَلَدٍ وٌ بّ ‹كٌنيِيٍ›، بَرِ مَ كٌنيِ مُ عَ كٌلٌن عَ مَرِفِ نَشَن يٌ رَبَقٍ. ﭑ تَن بَرَ عَ قَلَ وٌ بّ ‹ﭑ شَنُنتٍنيِيٍ›، بَرِ مَ ﭑ نَشَن بِرِن مّشِ ﭑ بَبَ رَ، ﭑ بَرَ وٌ رَكٌلٌن عَ بِرِن نَ.

¹⁶وٌ تَن شَ مُ ﭑ سُفَندِ. ﭑ تَن نَن وٌ سُفَندِ، ﭑ وٌ قِندِ ﭑ مَ شّيرَيٍ رَ، وٌ شَ سَ لُ عَلْ سَنسِ سَلٌنيِيٍ نَشٍيٍ بٌفِمَ، وٌ سَ وَلِ قَنيِيٍ رَبَ نَشٍيٍ مُ كَنَمَ. نَ كُي، وٌ نَ قٍقٍ مَشْرِن بَبَ عَلَ مَ ﭑ تَن شِلِ رَ، عَ عَ سٌمَ نّ وٌ يِ.

¹⁷ﭑ وٌ يَمَرِشِ نّ يِ قٍيٍ مَ، عَلَكٌ وٌ شَ وٌ بٌرٍ شَنُ.»

¹⁸«شَ دُنِحَ وٌ شْن، وٌ شَ عَ كٌلٌن عَ ﭑ تَن نَن سِنفٍ شْن.

¹⁹شَ وٌ قِندِ دُنِحَ مِشِيٍ نَن نَ نُ، وٌ رَقَنمَ نّ دُنِحَ مَ نُ، عَلْ عَ فبٍ مِشِيٍ. كْنْ دُنِحَ مِشِيٍ مُ وٌ رَ، بَرِ مَ ﭑ تَن بَرَ وٌ سُفَندِ عٍ يَ مَ. نَ نَن عَ تٌشِ، دُنِحَ وٌ شْنشِ.

²⁰وٌ شَ رَتُ وْيّنيِ مَ ﭑ نَشَن مَسٍن وٌ بّ، ‹كٌنيِ مُ دَنفِمَ عَ مَرِفِ رَ.› شَ عٍ بَرَ ﭑ تَن حَشَنكَتَ، عٍ وٌ قَن حَشَنكَتَمَ نّ. شَ عٍ ﭑ تَن شُي سُشُ، عٍ وٌ قَن فبٍ سُشُمَ.

²¹عٍ يِ قٍ بِرِن نِيَمَ نّ وٌ رَ ﭑ تَن شِلِ شَ قٍ رَ، بَرِ مَ عٍ مُ ﭑ شّيمَ كٌلٌن.

²²شَ ﭑ مُ سَ قَ وْيّندٍ عٍ بّ نُ، عٍ مُ يُنُبِ سْتْمَ نُ. كْنْ يَكْسِ، عٍ مُ قَ نْمَ سٍسٍ قَلَدٍ نَشَن كِيتِ قَنمَ عٍ رَ.

²³نَشَن نَ ﭑ تَن شْن، عَ بَرَ ﭑ بَبَ قَن شْن.