Yonna Yesusmoa. 15:11-23

¹¹Kava ishunv yemba honamba, osm yimba indk vithivra, os men avm kav nona. Kava ninginv yena indk vethalm, osm yemoa pilivhoawol vera.

¹²Men kanamba moamba, und vewol vivm monglamoa, os men kav yem und vewol vevm.

¹³Mendekliva und vewolal, indhanariniva mongova daheintava hevna sehelmba.

¹⁴Yimba kana sehelnonoa, yimba vetava, osva nomba memba kava ishunvpa yemba.

¹⁵Kava yemba sevelovmoa osva, andranind. Manara, andranindriniva tit vev, nomba hevna duangva temba nengvpa. Wo heva os kava daipotava yemba os sevelov, seh, noinda kava doa yemba iana, nonamba temba kava hellevnamba araindava.

¹⁶Yimba kamba kikih vrinamoa, ka yemba kikih vewol vena. Wo ka daswolna honamba andrava yemba, bukithengu velmba, movolmba kethapralmba. Kava ninginv yemba, kethapralm movolm, osm noi si yunalmba lohvav. Wo aramba si manimani yemba daswolvra, yimba osihminivrava hemba kana nihilnamba.

¹⁷Men honamba kanamba moamba, yeoa undalm vewol vivm monglamoa.

¹⁸Pethanindva indkumbiva yemba sahonamba vinvrava, ningvm os, himba miva kamsna vinivna.

¹⁹Yimba hona pethanindriniva atava, wo yemba und vivra, os ten hev vivm. Wo heva os kava doa yemba kikih vewol vena, pulvolmba hona pethariniva. Wo noinda osva yimba hona pethariniva owai. Wo memba noinda pethanindva yemba vinv sahonamba.

²⁰Keknam ningvm honam, men kav yem ishunvm. Ombandhana andranindriniva himba mendekliva owai hevna duangnamba. Indhanamba kamba sahonamba vinitava, eva himba si vinvrata yemba. Wo himba engivrava kana moamba, eva himba si enginvrata yenamba.

²¹Himba si vinvra manimani honamba yemba noinda kainda. Manara, himba liheivmoa, nomba himba temba kamba wolaihapranamba.

²²Kava promba owai vetava, ongawolalmba hemba, ata Sesoava hemba ishuntamoa, osva yimba indkokla vina. Wo heva os daipotava himba novtotholmba osva uvavmoa, osva kava indkokla vinamoa, manara, noinda kava doa hemba ongawolna.

²³Himba nomba kamba vreipra vritava, eva himba aram temba vreipra vrivta.