San Lujc 3:12-28

¹²Në tioꞌp choon ree bén ruquijx impuest bidxin din tiobnijs reeman. Abiꞌ gunabdiidx reeman loj Waj, rëb reeman: ―Mextr, laadx dunujn, ¿xhie rayal yaguieenan?

¹³Badxiꞌ Wajn, rëbaman: ―Ad guquijxidi mazri guial loj ni rayal guquijxidi.

¹⁴Yuꞌ tëë ree suldad gunabdiidx lojman rëb reex: ―Laadxza dunujn, ¿xhie rayal yaguieenan? Badxiꞌman laan rëbaman: ―Ad cwëëxuudi xhie xieen bejn, guial guchejbidi laa reeman o gudxiibidi guijc reeman ni ad beent reeman, gol guziibnejz tëë ni rajxidi.

¹⁵Guiáad ree bejn gagbeenejzdoo reeman bal Wajn na̱j Cristo,

¹⁶per rëbaman loj gra reeman: ―Naj curobnijs lëjt con nijs. Per zëëd tijb bén guroobnijs lëjt con xSprijt Dios në bajl. Laaman rajp mazri guialrniabee guial lon, niꞌqui xgurëchaman ad zajct gaxhiecan.

¹⁷Abiꞌ ziꞌc raya trigo zian güünnëman bejn. Din bén zinal ree xnejz Dios yayal reeman lod rniabeeman, guiáad ree bén ad zinalt xnejz Dios guixhiaalaman laa reeman loj bajl ni ad yuꞌt dxej yayüꞌ.

¹⁸Zian guneenë Waj laa reeman, në ree con diidx ren guneenëman laa reeman rulüüman laa reeman xtiidxzaꞌc Dios.

¹⁹Gudilë tëëman rey Herodes guial cwaꞌman Herodías xbéngunaa bijchaman Felip, në por graczi ni mal ni ma beenman.

²⁰Per luar nidxgaꞌ Herodes xtiidx Waj aal beenman zatijb ni mal: badxeꞌman Waj ladxguiib.

²¹Chi curoobnijs Waj bejn ree nëgajc Jesús gurobnijs. Abiꞌ laꞌtgaj cabejdx canabaman Dios, bixal xanyabaa

²²zianz biguiajt xSprijt Dios ziꞌc tijb palom xt guijcaman. Dxel biguien chaꞌ tijb bejn xanyabaa, rëbaman: ―Lüj na̱j da xiꞌnan, rënan lüj rabaanëꞌ tëën lüj.

²³Cost gajlbichii ijz yuꞌ Jesús chi guzuloj beenman xchiin Dios. Naladx ree bejn xiꞌn Xiëb najman, Xiëb guin gojc xiꞌn Elí.

²⁴Elí gojc xiꞌn Matat, Matat gojc xiꞌn Leví, Leví gojc xiꞌn Melqui, Melqui gojc xiꞌn Jana, Jana gojc xiꞌn Xiëb,

²⁵Xiëb gojc xiꞌn Matatías, Matatías gojc xiꞌn Amós, Amós gojc xiꞌn Nahum, Nahum gojc xiꞌn Esli, Esli gojc xiꞌn Nagai,

²⁶Nagai gojc xiꞌn Maat, Maat gojc xiꞌn Matatías, Matatías gojc xiꞌn Semei, Semei gojc xiꞌn Xiëb, Xiëb gojc xiꞌn Judá,

²⁷Judá gojc xiꞌn Joana, Joana gojc xiꞌn Resa, Resa gojc xiꞌn Zorobabel, Zorobabel gojc xiꞌn Salatiel, Salatiel gojc xiꞌn Neri,

²⁸Neri gojc xiꞌn Melqui, Melqui gojc xiꞌn Adi, Adi gojc xiꞌn Cosam, Cosam gojc xiꞌn Elmodam, Elmodam gojc xiꞌn Er,