Luku 3:12-28

¹²Ɔsinaↄ mↄ̀ da'ilɛkɛi, ↄ̃ aa aà là aa mɛ̀: Mɛtulu, wá kɛ kpelewa ni?

¹³A wèmá à mɛ̀: Ásu ↄ̃asimá dɛ lá wa dìlɛlao.

¹⁴Sosaↄ aà là aa mɛ̀: Wápiↄ sↄ̃ wá kɛa ni? A ònɛ́: Ásu gbãamↄ gbɛ̃́ↄnɛ à ń bleo. À zɛ ń fĩa pↄ́ wì boɛ́o.

¹⁵Gbɛ̃́ↄ pↄna lɛ́ dɛdɛ. Gbɛ̃́pii lɛ́ làasookɛ a nↄ̀sɛ guu Zãa yã́wa, tó aↄ dɛ Mɛsii ũ.

¹⁶Zãa ònɛ́ píi à mɛ̀: Mi á da'ilɛkɛ ń íoɛ, ãma gbɛ̃e lɛ́ mↄ́, aà iko dɛmala, mi ka mà aà sabala bↄbↄɛ̀o. Ɔ̃mɛ a á da'ilɛkɛ ń Lua Nisĩnao ń tɛ́o.

¹⁷A gbaana kũa à pↄ́ fãò, i pↄ́wɛna ká a dↄ̃u, i a sào ka tɛ́ gasai guu.

¹⁸Zãa baonakpaanɛ́ guu, à nàɛmá ń yãpãleↄ dasi.

¹⁹Kɛ́ à yã́ pↄ́ kí Elodi kɛ̀ a dãuna na Elodia yã́ musu ń vãi pãle pↄ́ a kɛ̀ↄ bↄ̀ɛ̀ gupuau píi,

²⁰ↄ̃ Elodi ɛ̀a yãvãikɛ̀ lↄ, à Zãa dàkpɛu.

²¹Kɛ́ Zãa lɛ́ gbɛ̃́ↄ da'ilɛkɛ píi, à Yesu da'ilɛkɛ̀ sↄ̃. Gↄↄ pↄ́ Yesu lɛ́ wabikɛ, luabɛ wɛ̃̀aa,

²²ↄ̃ Lua Nisĩna sù lán felenawa à dìɛ̀. Ɔ̃ wà yã'o mà bↄa luabɛ à mɛ̀: Ma Nɛ́n n ũ, má yenzi, ma pↄ kɛ̀ma na.

²³Gↄↄ pↄ́ Yesu a zĩ dàalɛ, a wɛ̃̀ baakwi taa vĩ. Wàlɛ e Yosɛfu nɛ́ɛ. Yosɛfupi sↄ̃ Heli nɛ́ɛ,

²⁴Helipi sↄ̃ Mata nɛ́ɛ, Matapi sↄ̃ Levii nɛ́ɛ, Leviipi sↄ̃ Mɛlɛki nɛ́ɛ, Mɛlɛkipi sↄ̃ Yana nɛ́ɛ,

²⁵Yanapi sↄ̃ Yosɛfu nɛ́ɛ, Yosɛfupi sↄ̃ Matatia nɛ́ɛ, Matatiapi sↄ̃ Amↄsi nɛ́ɛ, Amↄsipi sↄ̃ Nauũ nɛ́ɛ, Nauũpi sↄ̃ Ɛsɛli nɛ́ɛ, Ɛsɛlipi sↄ̃ Nage nɛ́ɛ,

²⁶Nagepi sↄ̃ Maatu nɛ́ɛ, Maatupi sↄ̃ Matatia nɛ́ɛ, Matatiapi sↄ̃ Sɛmɛi nɛ́ɛ, Sɛmɛipi sↄ̃ Yosɛku nɛ́ɛ, Yosɛkupi sↄ̃ Yoda nɛ́ɛ, Yodapi sↄ̃ Yohanani nɛ́ɛ,

²⁷Yohananipi sↄ̃ Lesa nɛ́ɛ, Lesapi sↄ̃ Zolobabɛli nɛ́ɛ, Zolobabɛlipi sↄ̃ Salatiɛli nɛ́ɛ, Salatiɛlipi sↄ̃ Nɛli nɛ́ɛ, Nɛlipi sↄ̃ Mɛlɛki nɛ́ɛ,

²⁸Mɛlɛkipi sↄ̃ Adi nɛ́ɛ, Adipi sↄ̃ Kosaũ nɛ́ɛ, Kosaũpi sↄ̃ Ɛlɛmadaũ nɛ́ɛ, Ɛlɛmadaũpi sↄ̃ Ɛɛ nɛ́ɛ, Ɛɛpi sↄ̃ Yozuee nɛ́ɛ,