Sam 87:1-6

¹(Keke kinera tanisa butubutu Kora) Kuria e Zihova sa Nana vasileana nomana koasa toqere hopena.

²Tataru sisigiti nia Sa sa popoa Zerusalema, hola ni sari kaiqa vasidi pule pa Izireli.

³Gamu na tiena sa vasileana te Tamasa; mi va avosi sari na tiṉitoṉa variva magasadi pu zama ni Sa koa sa ginugua mia gamu.

⁴“Kaqu nae turaṉae ni rau sari pa Izipi meke Babiloni, koari na butubutu pu va tabei sari na Qua zinama; meke sari na tiedi rina popoa Pilisitia, Taea, meke Itiopia si kaqu nae somana ni Rau koari na tiena sa popoa Zerusalema,” gua si Asa.

⁵Koasa guguana sa popoa Zaione, si kote ta zamae si asa, “Tanisa sari doduru butubutu, meke Asa sapu Ululuna Hola si kaqu va ṉiṉira ia si asa.”

⁶Kaqu kubere gore ni e Zihova sari na tinoni meke zama, “Sa tie hie si ta podo pa Zaione tugo,” gua.