Sam 80:12-19

¹²Na vegua ke vata huari Goi sari na gobana sa popoa, ke sari na tie karovodi pu ene gua vasina si hikoi sari na vua qurepi.

¹³Kekeṉoṉo guana boko pinomo sapu neti va konekonea, meke guana kurukuru pinomo si arini sapu ṉoṉovala koasa linetelete asa.

¹⁴Kei Tamasa, Patutokaemu, Mu pule mae koa gami! Mu doṉo gore mae pa Maṉauru, Mamu mae harupi sari na Mua tie!

¹⁵Mae harupia sa Mua butubutu tie; harupu gami na huda qurepi sapu ele letea Goi, gami na tumu sapu ele va toqolo gami Goi pa Mua ṉiniraṉira.

¹⁶Ele mae maho pania rina kana sa Mua huda, na sulu pania rini. Mu doṉo va bubugorae la i sari na kana sara, Mamu va mate pani gedi.

¹⁷Mu kopu valeana ni na va aqori sari na Mua tinoni pu ele vizati Goi, sa Mua butubutu tie sapu va ṉiṉira ia Goi.

¹⁸Lopu kaqu taluarae si gami koa Goi, Mu kopu ni gami meke kaqu vahesigo gami si Goi.

¹⁹Kei Zihova, Tamasa Patutokaemu, Mu valeana pule gami, vata dogoro nia koa gami sa Mua tataru lopu ta ṉana kamona pude mami ta harupu.