Sam 66:12-19

¹²Ele va malumi Goi sari na mami kana pude neti kasopi sari na tinimami, ene nuquru hola i gami sari na nika, na naqe, ba ele turaṉa va kamo gami Goi pa keke vasina pu koa tavasare si gami.

¹³Kaqu paleke mae ni rau sari na vina vukivukihi va uququ pa korapana sa Mua Zelepade; kaqu poni Igo rau gua saripu ele va tatara Nigo rau.

¹⁴Kaqu ponigo rau kamahire gua saripu ele tozi Nigo rau totoso koa si rau pa tinasuna.

¹⁵Kaqu vukivukihi atu ni rau pa hope sari na kurukuru nobonobokodi, sari na sipi kokoreo, na bulumakao kokoreo, meke na qoti, meke kaqu vuga sage pa galegalearane sari na tuṉahadi rini.

¹⁶Mi mae, mamu va avoso, gamu doduru pu pamaṉa nia sa Tamasa; Maqu tozini gamu gua saripu ele evaṉi Sa koa rau.

¹⁷Velavela va ululae la si rau koa Sa pa qua tinepatepa tinokae, vahesia rau si Asa koari na kinera.

¹⁸Be tomei rau sari na qua sinea pa buloqu, si lopu kaqu avosau sa Baṉara.

¹⁹Ba ele va avoso hinokarau sa Tamasa si rau; ele avosia Sa sa qua vinaravara.