1(Totoso garunu lani e Saula sari nana tie pana boṉi pude kopukopu nia koasa nana vetu se Devita pude tuqe vagia meke va matea.) Kei qua Tamasa, Mu va sare au koari na qua kana, Mu toketoke hukata nau koarini pu varipera mae koa rau.
2Va sare au koarini pu tavete va kaleana, Mu harupu va seu au koari na tie variva mate sara.
3Ura dotu, korapa pequ aqa nau rini si rau, sari na tie kaleadi si varigara pude varipera mae koa rau. Kei Zihova, lopu tavete gua asa sina lopu seke tinarae na sea si rau.