Sam 47:2-5

²Mani ta pamaṉae se Zihova, sa Tamasa Ululuna Hola, na Baṉara Lavata si Asa, ṉati hiniva nia Sa sa doduru kasia popoa.

³Pa Nana tinokae si koa mataqara holani gita sari na votiki butubutu, meke va boka gita Sa pude koa totoli ni si arini.

⁴Vizata poni ni gita Sa sa nada popoa soti, sa qinetuqetu tadigita na butubutu te Zekopi, sapu tataru hola nia sa Tamasa.

⁵Sipu korapa sage la pa Nana habohabotuana Baṉara se Zihova, si iraṉa pa qinetuqetu sari na tinoni, meke ivui rini sari na buki.