Sam 35:15-18

¹⁵Ba sipu koa tasuna rau si qetu si arini, meke habotu varivarigarae na va sisire nau rini. Sarini pu lopu hite gilanau ba lopu makudo nanae nau.

¹⁶Pesipesi hoborau rini sipu loke dia ginugua koarau. Garata livodi si arini sipu doṉo mae au rini.

¹⁷Kei Baṉara, vea seunae gua si kote dodogoro Mua mo koa rau pa tinasuna si Goi? Mu va sare au koari pu ṉoṉovalau. Harupau koari na qua kana pu ṉiṉira guana laione.

¹⁸Meke kaqu zama leana koa Goi si rau pa varikorapadi ri na Mua puku tie. Kaqu vahesigo rau pa kenudi ri doduru.