Sam 33:14-22

¹⁴Na Baṉara lavata si Asa, meke doṉo gore mae koari doduru tinoni pu koa pa pepeso.

¹⁵Va podaki Sa sari bulodi rina tie, meke tumae valeana beto ni Sa sari na dia tinavete.

¹⁶Lopu tava sare koari na kana sa baṉara koari na sinokudi gua rina tie pa nana qeto minate varipera, meke na tie varipera si lopu mataqara pa nana ṉiniraṉira soti telena.

¹⁷Sari na hose varipera si lopu boka mataqara ni goi pa vinaripera, sari na dia ṉiniraṉira si lopu boka harupigo.

¹⁸Kopu totoko ni e Zihova sarini pu pamaṉa nia si Asa, meke sarini pu kalavarae koasa Nana tataru nabuna.

¹⁹Harupi Sa si arini pa minate. Kopu ni Sa si arini pude lopu mate pa totoso soṉe.

²⁰Raṉea gita se Zihova, Asa sa nada lave, meke nada tinokae.

²¹Qetuqetu nia gita se Zihova, ura raṉea gita sa Pozana hopena Sa.

²²Koa Goi mo si raṉe atu gami, kei Zihova Mu tataru ni gami koasa Mua tataru nabuna.