Sam 26:1-9

¹(Keke kinera te Devita) Kei Zihova, Mu tozia sapu loke qua sinea, gua, sina evaṉia rau gua sapu toṉoto, meke raṉe zoṉazoṉa Igo rau si Goi.

²Podeke au, Mamu gilanau ba Zihova, Mamu viliti sari na qua inokoro na qua binalabala golomodi.

³Ura doduru totoso si gilania rau sa Mua tataru nabuna, meke kopu ni Goi sari na Mua zinama, ke koa soto koa Goi si rau.

⁴Lopu somana si rau koari na tie kokohadi, meke namu loke qua ginugua hokara koari na tie sekesekeidi si rau.

⁵Hakohako hola ni rau sari na tie va sesea, meke va ilolo pule nau koarini si rau.

⁶Kei Zihova, ṉuzapi rau sari limaqu pude vata dogoro nia sapu lopu tavete va sea si rau. Meke kera vari likohae nia rau sa Mua hope pa vinahesimu Goi!

⁷Kera zama leana atu koa Goi si rau, meke tozi vura ni rau sari doduru Mua tinavete variva magasadi.

⁸Kei Zihova, qetu nia rau sa Mua Zelepade hope, vasina pu koa sa Mua ṉinedala.

⁹Mu lopu va mate turaṉa nau koari na tie kaleadi, ba va sare ia sa qua tinoa koasa ṉinovaṉovala tadi na tie variva mate,