Sam 149:1-9

¹Mi vahesia se Zihova! Mi kera la nia koe Zihova si keke kinera vaqura. Vahesia si Asa pa korapa vinarigarae tie raṉeraṉe!

²Mi koa qetuqetu nia gamu na tie Izireli si Asa pu tavete gamu. Mi koa qetuqetu nia sa mia Baṉara, gamu pu koa pa popoa Zaione!

³Mi peka pa vinahesina sa Pozana, mi kera vahesia koari na mike na kizakizana.

⁴Ura qetu ni e Zihova sari na Nana tie, va lavati Sa sari na tie va pepekae pa tinaharupu.

⁵Madi koa qetuqetu pa minataqara sari na tie te Tamasa, madi kera qetuqetu doduru boṉi.

⁶Madi kera va ululae si arini pa vinahesina sa Tamasa, meke taṉini sari na vedara pa limadia,

⁷pude va kilasi sari na votiki butubutu, meke sari na dia tinoni.

⁸Pude pusi vagi sari na dia baṉara, meke sari na dia koimata pa seni aeana.

⁹Pude va kilasi sari na votiki butubutu, gua sapu ele garunu nia sa Tamasa. Gua asa sa minataqara tadi na tie te Tamasa. Mi vahesia se Zihova.