Sam 140:3-9

³Sari na meadi si ṉaru, guana noki variva mate, sari na dia zinama si variva mate guana noki varigarati.

⁴Kei Zihova, Mu kopu nau pa limadia rina tie kaleadi, va sare au koari na tie variva mate pu hata luli au.

⁵Sari na tie vahesi pule ni si sekesekei nau, taveti rini sari na siraṉa sinekesekei na dia sipata pude boka va hoqau gua.

⁶Zama si rau koe Zihova, “Agoi si na qua Tamasa,” Kei Zihova, Mu avosia sa qua tinepatepa tinokae!

⁷Kei Zihova qua Baṉara, meke na qua hinarupu, ele va sare au Goi si rau pa korapa vinaripera.

⁸Kei Zihova, Mu lopu poni ni koari na tie kaleadi gua saripu hiva ni rini, Mu lopu va malumi pude va gorevura i gua saripu mizi veko i rini!

⁹Mu lopu va mataqari sari na qua kana, va hoqa pule lani koarini gua saripu hiva taveti rini koa rau.