Sam 139:11-14

¹¹Be zama si rau, “Kaqu va paere au sa hinuporo, meke mani ta evaṉae huporo sa kalalasa pa vari likohaequ,” gua.

¹²Ba sa hinuporo si lopu huporo koa Goi. Meke sa boṉi meke sa rane si kalalasa beto mo koa Goi.

¹³Ele va tana va toṉoti Goi sari doduru kukuru tiniqu, ele varihodae valeana au Goi pa korapa tiana sa tinaqu.

¹⁴Vahesi Igo rau, sina garo pude ta pamaṉae si Goi. Sari doduru Mua tinavete si votikaedi hola, meke variva magasa. Gilana valeana au Goi si rau pa doduruna sa qua tinoa.