Sam 137:2-6

²Va sigoto veko ni gami koari na huda vasina sari na mami mike, meke kabokabo si gami.

³Sarini pu raovo vagi gami si tepa gami pude kera, meke sarini pu va sisireni gami si hivani gami pude kerakera poni pa qinetuqetu, meke zama, “Kera poni gami kaiqa kinerana sa popoa Zaione!” gua.

⁴Ba vegua meke boka kera ni gami pa votiki popoa sari na kinerana e Zihova?

⁵Kei Zihova, be muliṉi Nigo rau, si lea gequ mani mate sa lima mataoqu, pude maqu lopu boka mike vahesi Igo rau.

⁶Mani napiti sage pa damaqu sa meaqu, pude maqu lopu boka kera pule, be muliṉi nigo rau si goi Zerusalema, meke be lopu balabala ia rau sapu agoi sa qua qinetuqetu nomana hola.