Sam 119:97-101

⁹⁷Kei, tataru hola nia rau sa Mua tinarae! Balabala va lohi la ia rau si asa doduru totoso.

⁹⁸Sa Mua tinarae si koa koa rau doduru totoso, meke toka nau sa pude tumatumae hola ni sari na qua kana.

⁹⁹Gilagilana hola ni rau sari doduru qua tie va tumatumae, sina balabala va lohi la i rau sari na Mua vina tumatumae.

¹⁰⁰Tumatumae hola ni rau sari na tie koadi, sina va tabei rau sari na Mua tinarae.

¹⁰¹Va talevara ni rau sari doduru hahanana kaleadi, pude maqu boka kopu ni sari na Mua zinama.