SALMOS 88:2-8

²Techtlacaquili quema nimotlatlajtía huan quema nimitztzajtzilía,

³pampa nijmati nisiyajtoc ica nochi catli amo cuali hasta nijmati ya nechcatitoc para nimiquis.

⁴Miyac quiijtohuaj para ya tlantinemi nonemilis huan para ayacmo nijpiya chicahualistli.

⁵Masehualme nechtlahuelcajtoque para ma nimiqui. Niitztoc quen se catli ya mijqui ipan tlahuilancayotl huan nochi quielcahuaj sintla itztoya. Huan eltoc quen ta techelcajqui huan ayacmo techmocuitlahuía.

⁶Ta techmajcajtoc ipan nopa ostotl catli más huejcatla campa onca tzintlayohuilotl catli más yayahuic.

⁷Mocualancayo nechtlaijiyohuiltía chicahuac huan tlatoctzitzi nechtlatzintlanhuetziltía más.

⁸Tijchijtoc para noteiximatcahua ma nechtlahuelcahuaca huan ma nechijiyaca. Eltoc quen niitztoc ipan se tlatzactli huan amo hueli niquisa.