SALMOS 80:12-18

¹²Huajca ¿para tlen ayacmo techmocuitlahuía? Eltoc quen tijtlamisosolo itepanyo moxocomecamil huan tijcahua ma quitlamicuaca nochi ojtipanyani.

¹³Inijuanti itztoque quen cuapitzome catli hualahuij huan tlapoxoníaj yahualtic tlen tojuanti, huan eltoc quen nopa tecuanime ya techtlamicuaj.

¹⁴Yeca Toteco Dios Catli Tijpiya Nochi Chicahualistli timitztlajtlaníaj, ximocuepa huan techtiochihua. Techhualtlachili tlen nopona ilhuicac, ximomaca cuenta quenicatza tiitztoque huan xijmocuitlahui ni moxocomecamil.

¹⁵Quena, xijmocuitlahui catli ta tijtojqui huan nopa ichamanca catli cuali tijtlatzquiltijtoc.

¹⁶Pampa tocualancaitacahua techhuejhuelojtoque huan techtlatijtoque. ¡Xiquintzontlamilti ica mohueyi cualancayo!

¹⁷Xijmaca chicahualistli nopa telpocatl catli tiquicnelía huan tijtlapejpenijtoc para tlanahuatis.

¹⁸Quej nopa ayacmo quema timitztlahuelcahuase. Techmaca yancuic nemilistli huan sempa timitznotzase huan timotlatlajtise moixpa ta.