SALMOS 76:1-8

¹Ipan tlali Judá huan hasta nochi tlali Israel nochi masehualme quiiximatij Toteco Dios para nelía hueyi.

²Itiopa eltoc ipan altepetl Jerusalén. Quena, ipan tepetl Sion moquetza ichaj.

³Nopona quipojpostejqui nochi tlamantli ininteposhua tocualancaitacahua.

⁴¡Nopa tepeme catli eltoque tlen huejcajya amo quipiyaj ininyejyejca quen tepetl Sion quipiya!

⁵Nopa tocualancaitacahua catli más quipiyayayaj chicahualistli, quintlamitlacuijcuilijque. Toixpa tepejtoque mictoque. Niyon se tlen inijuanti ayacmo hueli quitlananas imax para techhuilanas.

⁶Quema ta tiToteco, catli tiiDios Jacob, tiquinajhuac nopa cahuayojme huan catli tlejcotoyaj ininpani, nochi huetzque hasta tlalchi.

⁷¡Yeca nochi quiitaj para tlahuel titemajmati! Huan amo aqui huelis quiijiyohuis ijcatos moixpa quema tlahuel ticualantoc.

⁸Hasta nepa ilhuicac titlayolmelahua para titetlatzacuiltis. Huan ni tlaltipactli majmahui huan amo molinía moixpa,